အင်ဒိုနီးရှားက ဆော်ဒီ၊ သြစတြေးလျ၊ ဘာရိန်းတို့ကို သရေကစားပြပြီး နိုင်ငံတကာဘောလုံးလောကမှာ စိတ်ဝင်စားစရာကောင်းတဲ့ အကြောင်းအရာ ဖြစ်လာတယ်။ နောက်ဆုံးပွဲမှာ တရုတ်ကို ရှုံးနိမ့်ခဲ့ပေမဲ့ အင်ဒိုရဲ့ စွမ်းဆောင်ရည်က လုံး၀ အထင်သေးလို့ မရပါဘူး။ အဓိကကတော့ ဒီရလဒ်တွေကြောင့်မဟုတ်ပါဘူး၊ သူတို့ရဲ့ အမှန် တကယ်တိုးတက်လာနေတဲ့၊ ဒီထက်လည်းများစွာ တိုးတက်နိုင်တဲ့ ပါဝါကြောင့် ဖြစ်ပါတယ်။ ၂၀၂၆ ကမ္ဘာ့ဖလားခြေစစ်ပွဲကို သူတို့ အောင်ချင်မှလည်း အောင်ပါလိမ့်မယ်။ ဂျပန်၊ သြစတြေးလျ၊ ဆော်ဒီ၊ တရုတ်၊ ဘာရိန်းဆိုတဲ့ အုပ်စုက အကျပ်တည်းဆုံး အုပ်စုတစ်ခု မဟုတ်လား။ အဲဒီမှာ တူတူတန်တန် ယှဉ်ပြိုင်ကစားပြနေတာက သူတို့ရဲ့ အရည်အသွေးပါ။