စီးရီးအေဝါရင့်နည်းပြ ဆာရီက ကွန်တီသည် နာပိုလီအသင်းအတွက် အသင့်တော်ဆုံးနည်းပြဖြစ်ကြောင်း ပြောကြားခဲ့သည်။
စပယ်လက်တီ ထွက်ခွာပြီးနောက် ရုန်းကန်နေရသည့် နာပိုလီအသင်းသည် ယခုနွေရာသီကမှ ကွန်တီကို အသင်းနည်းပြအဖြစ် ခန့်အပ်ခဲ့ခြင်းဖြစ်သည်။
ဆာရီက "ကွန်တီကို ကျွန်တော် လေးစားမှုအပြည့်ရှိပါတယ်။ နာပိုလီအသင်းက ထိပ်တန်းနည်းပြတစ်ဦးကို ခန့်အပ်နိုင်ခဲ့တာပါ။ ကွန်တီဟာ နာပိုလီအသင်းမှာ သမိုင်းသစ် ရေးထိုးနိုင်သူဖြစ်ပြီး နာပိုလီအသင်းဟာ သူ့ရဲ့ဦးဆောင်မှုနဲ့အတူ အင်အားကြီးထွားလာပါလိမ့်မယ်"ဟု ပြောကြားခဲ့သည်။
နာပိုလီအသင်းသည် ယခုရာသီစီးရီးအေပြိုင်ပွဲတွင် သုံးပွဲကစားထားပြီး ၂ ပွဲ နိုင် ၁ ပွဲရှုံးထားကာ ယနေ့ညတွင် ကာဂလီယာရီအသင်းနှင့် အဝေးကွင်းယှဉ်ပြိုင်ကစားရမည်ဖြစ်သည်။