![Photo: Getty Images](https://news-eleven.com/sites/news-eleven.com/files/styles/news_detail_image/public/news-images/0_eddie-nketiah.jpg?itok=QhUAA-wI)
အာဆင်နယ်အသင်းသည် အင်္ဂလန်တိုက်စစ်မှူး အန်ကယ်တီယာ၏ အပြောင်းအရွှေ့အတွက် နော်တင်ဟမ်ဖောရက်စ်အသင်းနှင့် ဆက်လက်ဆွေးနွေးနေကြောင်း သိရသည်။
အန်ကယ်တီယာ(၂၅ နှစ်)သည် အာဆင်နယ်အသင်းအတွက် ပြိုင်ပွဲစုံပွဲပေါင်း(၁၆၀)ကျော် ကစားထားသူဖြစ်သော်လည်း ပုံမှန်ပွဲထွက်ခွင့်အတွက် အာမခံချက်မရှိသောကြောင့် အသင်းပြောင်းရွှေ့ရန် လိုလားနေသူဖြစ်သည်။
ယင်းအတွက် နော်တင်ဟမ်အသင်းက ပေါင်(၂၅)သန်းဖြင့် ကမ်းလှမ်းခဲ့သော်လည်း အာဆင်နယ်အသင်းက ပယ်ချခဲ့ပြီး ဆက်လက်ဆွေးနွေးမှု ပြုလုပ်နေခြင်းဖြစ်သည်။
အာဆင်နယ်အသင်းသည် အန်ကယ်တီယာအတွက် ပြောင်းရွှေ့ကြေးကို ပေါင်(၃၅)သန်းအထိ အလိုရှိနေကြောင်း သိရသည်။