မန်စီးတီးတိုက်စစ်မှူး အယ်လ်ဗာရက်ဇ်က အိုလံပစ်အပြီးတွင် ၎င်း၏အနာဂတ်ကိုဆုံးဖြတ်မည်ဟု ပြောဆိုထားသော်လည်း လက်ရှိအသင်းတွင်ပျော်ရွှင်နေကြောင်း ပြောကြားခဲ့သည်။

အသက် (၂၄)နှစ်အရွယ်ရှိ အယ်လ်ဗာရက်ဇ်သည် အက်သလက်တီကိုအသင်း၏စိတ်ဝင်စားခြင်းကို ခံနေရသူလည်း ဖြစ်သည်။

အယ်လ်ဗာရက်ဇ်က ''ကျွန်တော်က ရာသီတိုင်းမှာ ပြီးခဲ့တဲ့ရာသီက ဘာဖြစ်ခဲ့တယ်။ လာမယ့်ရာသီက ဘယ်လိုဆိုတာကို တွေးလေ့ရှိပါတယ်။ မန်စီးတီးမှာ သက်သောင့်သက်သာရှိပြီး ကျွန်တော် ပျော်နေပါတယ်။ ဒီတော့ အသင်းနဲ့ပတ်သက်လို့ ကျွန်တော့်အနေနဲ့ မကောင်းမပြောပါဘူး''ဟု ပြောကြားခဲ့သည်။