ဒီအချိန်လောက်ဆို မန်ယူကနေ ဒေါ့မွန်ကို အငှားနဲ့ ပြန်လည်ပြောင်းရွှေ့မယ့် အင်္ဂလန်တောင်ပံကစားသမား ဆန်ချို အဝါရောင်ဝတ်စုံကို ဝတ်ဆင်ချင် ဝတ်ဆင်နေလောက်ပြီ။ ဆောင်းရာသီအပြောင်းအရွှေ့ တစ်နည်းအားဖြင့် ဇန်နဝါရီအပြောင်းအရွှေ့က ရက်ပေါင်း(၃၀)ဝန်းကျင်အတွင်း လှုပ်ရှားရခြင်းဖြစ်တာကြောင့် မြန်မြန်သွက်သွက်လုပ်ဆောင်ဖို့ လိုအပ်ပါတယ်။ ၂၀၂၄ ဆောင်းရာသီ အပြောင်းအရွှေ့ဈေးကွက်ကို ဇန်နဝါရီ(၁)မှာ စတင်ဖွင့်လှစ်ခဲ့ပြီး ဖေဖော်ဝါရီ(၁)မှာ ပိတ်သိမ်းမှာပါ။ ဥရောပထိပ်သီးလိဂ်(၅)ခုစလုံး ဈေးကွက်ကို တူညီစွာဖွင့်လှစ်ပြီး တူညီစွာ ပိတ်သိမ်းကြမှာဖြစ်ပေမဲ့ ထုံးစံအတိုင်း စိတ်ဝင်စားစရာအကောင်းဆုံးရပ်ဝန်းကတော့ အင်္ဂလန်ပရီးမီးယားလိဂ်ပါပဲ။