ဘောလုံးသမိုင်းမှာ ပြက္ခဒိန်တစ်နှစ်အတွင်း ကလပ်နဲ့ လက်ရွေးစင်အသင်းအတွက်ပြိုင်ပွဲစုံဂိုးသွင်းအများဆုံးကစားသမားဆိုတဲ့ ဂုဏ်ပုဒ်က တစ်ခမ်းတစ်နားချီးမြှင့်တဲ့ ဆုတံဆိပ်တစ်ခုမဟုတ်ပေမဲ့ ထိပ်တန်းအဆင့်ဘောလုံးသမားတိုင်း၊ တိုက်စစ်မှူးတိုင်းအတွက် ခမ်းနားထည်ဝါလှတဲ့ သမိုင်းတစ်ခုဖြစ်တယ်ဆိုရင် မမှားပါဘူး။ ကမ္ဘာတစ်ဝှမ်းက မြောက်များစွာသော ပရော်ဖက်ရှင်နယ် ဘောလုံးသမားများစွာအကြား တစ်နှစ်အတွင်း ဂိုးသွင်းအများဆုံးကစားသမားဖြစ်ဖို့ဆိုတာက တော်ရုံစွမ်းဆောင်ရည်နဲ့ ရယူပိုင်ဆိုင်နိုင်တဲ့ မှတ်တမ်းမဟုတ်ဘဲ အမြင့်ဆုံးသောဂိုးသွင်းနှုန်းနဲ့ တည်ငြိမ်တဲ့ ခြေစွမ်းကို တစ်နှစ်ပတ်လုံးထိန်းသိမ်းထားနိုင်မှ မျှော်လင့်ခွင့်ရှိတဲ့ ဂန္ထဝင်မြောက်မှတ်တမ်းတစ်ခုလည်းဖြစ်ပါတယ်။