အင်တာမီလန် - ဂျူဗင်တပ်စ် (ကြာသပတေးနံနက် ၂း၃၀ နာရီ)
ဂျူဗင်တပ်စ်အသင်းအဖို့ စူပါဖလားပွဲကို (၁၀)နှစ်ဆက်တိုက် ကစားရတာဖြစ်ပြီး အင်တာမီလန်အသင်းကတော့ ဆယ်စု နှစ်တစ်ခုကျော်ကြာမှ ပြန်ကစားရတာပါ။ ဂျူဗင်တပ်စ်အသင်းရဲ့ခြေစွမ်းပိုင်းက အားရစရာအနေအထားမရှိပေမဲ့ ပြိုင်ပွဲစုံ(၈)ပွဲဆက်တိုက် ကစားပြီး အတိုင်းအတာတစ်ခုအထိ တည်ငြိမ်မှုရအောင် နည်းပြ အယ်လီဂရီ တည်ဆောက်လာနိုင်တာ တွေ့ရ တယ်။ ဒါပေမဲ့ လတ်တလောမှာ အင်တာမီလန်အသင်းရဲ့အရှိန်ကို ရပ်တန့်နိုင်လောက်တဲ့ မာကျောမှုမျိုး ဂျူဗင်တပ်စ်အသင်း မှာ ရှိမနေနိုင်ဘူး။ အင်တာမီလန်ကိုပဲ ရွေးချယ်တာပိုကောင်းမယ်။
