မန်စီးတီးအသင်းနည်းပြ ဂွါဒီယိုလာသည် ပြီးခဲ့သည့်နွေရာသီအပြောင်းအရွှေ့တွင် အသင်းအနေဖြင့် ၀ါရင့်နောက်ခံလူ ကွန်ပနီထွက်ခွာသွားပြီးနောက် ဗဟိုခံစစ်ကစားသမားတစ်ဦး အစားထိုးမခေါ်ယူခဲ့ခြင်းကို ကာကွယ်ပြောကြားခဲ့ကြောင်း သိရသည်။
လက်ရှိအချိန်တွင် မန်စီးတီးဗဟိုနောက်ခံလူ လာပေါ့တ်မှာ ဘရိုက်တန်နှင့်ပွဲ၌ ဒူးဒဏ်ရာရရှိခဲ့ပြီးနောက် ကာလရှည်အနားယူရဖွယ်ရှိနေသည်။
ထို့ပြင် အခြားဗဟိုနောက်ခံလူတစ်ဦးဖြစ်သည့် စတုန်းစ်မှာလည်း ကြံ့ခိုင်မှုမပြည့်ဝသေးဘဲ ဘရိုက်တန်နှင့်ပွဲတွင် လာပေါ့တ်နေရာ လူစားဝင်ခဲ့သည့် ကွင်းလယ်လူ ဖာနန်ဒင်ဟိုကိုသာ ဗဟိုနောက်ခံနေရာ၌ အသုံးပြုသွားရဖွယ်ရှိနေသည်။
ဂွါဒီယုုိလာက ''တခြားအသင်းတွေက သူတို့ကစားသမားတွေကိုရောင်းချဖို့ လာကမ်းလှမ်းတိုင်း ခေါ်ယူဖို့ စဉ်းစားမှာမဟုတ်ပါဘူး။ ကျွန်တော်တို့မှာ တောင့်တင်းတဲ့စုဖွဲ့မှုရှိပြီးသားပါ''ဟု ဆိုခဲ့သည်။
