ကရင်ပြည်နယ်မြဝတီ ဒေါနတောင်ကျော် အာရှလမ်းသစ်နှင့် သဃ်န်းညီနောင် တို့တွင် တိုက်ပွဲဖြစ်ပွားခဲ့ခြင်းကြောင့် နှစ်နှစ်ကျော်ကြာပိတ်ထားခဲ့ရသည့် မြဝတီမြို့နယ်သင်္ဃန်းညီနောင်အထက်တန်းကျောင်းဖွင့်ပွဲကို ၂၀၂၆ခုနှစ် ဇွန် ၃ ရက် နံနက်၉ နာရီအချိန်က ပြုလုပ်ခဲ့သည်။
ဒေသတွင်း တည်ငြိမ်အေးချမ်းစပြုလာသည်နှင့်အမျ အဘက်ဘက်ကယိုယွင်းခဲ့သော အဆိုပါကျောင်းတော်အား ပြန်လည်ပြုပြင်ကာ ၂၀၂၆/ ၂၀၂၇ ပညာသင်နှစ် တွင် ကလေးငယ်များ ပညာဆည်းပူးသင်ယူနိုင်ရန် ပြုပြင် မှုများ ဆောင်ရွက်ခဲ့ခြင်းကြောင့် အချိန်မီဖွင့်လှစ်နိုင်ခဲ့ခြင်းဖြစ်သည်။
အဆိုပါ သဃ်န်းညီနောင် အထက်တန်းကျော်ပညာသင်နှစ် ဖွင့်ပွဲအခမ်းအနားကို BGF တပ်နယ်( ၄ )တပ်မှူး ဦးစောမုတ်သုန်၊မြဝတီ ခရိုင်ပညာရေးမှူး ဦးစောမုတ်သုန်နှင့် ရပ်မ်ိရပ်ဖ ဦးသန်းရွှေနှင့်တာဝန်ရှိသူများက ဖဲကြိုးဖြတ်ဖွင့်လှစ်ခဲ့သည်။
ကျောင်းဆောင်းအတွင်း လက်နက်ကြီးကျည်ကျပြီး ပျက်စီးနေမှုများ၊လက်နက်ငယ်ကျဉ်ပေါက်ဖြစ်နေသော ခေါင်မိုးများ ၊မျက်နှာကြက်များ၊စာရေးစားပွဲခုံများ နံရံများ ပြန်လည်ပြုပြင်ခြင်းနှင့် ဆိုလာစနစ် ဖြင့် လျှပ်စစ်မီးရရှိအောင် ဗိုလ်ချုပ်စောချစ်သူနှင့် ဗိုမှူးချုပ်စောမုတ်သုန်နှင့် ပညာရေးစေတနာရှင်များက လှူဒါန်းခဲ့ကြသည်။
၂၀၂၆ခုနှစ် ဇွန်လ(၁) ရက်နေ့သည် ၂၀၂၆/၂၀၂၇ ပညာသင်နှစ်၏ ကျောင်းဖွင့်ကာလအဖြစ် တနိုင်ငံလုံးအတိုင်းအတာဖြင့် သတ်မှတ်ထားပြီး အစိုးရကျောင်းများ၊ကိုယ်ပိုင်ကျောင်းများ ဖွင့်လှစ်ခဲ့ကြသည်။
မြဝတီသဃ်န်းညီနောင် အထက်တန်းကျောင်းတွင် ယခင်က ကျောင်းသား ဦးရေ ၁၀၀၀ ကျော်ထိ ပညာသင်ကြားခဲ့ကြသော်လည်းယခုနှစ် ကျောင်း ပြန်လည် စဖွင့်သည့်နှစ်တွင် ကျောင်းသူကျောင်းသား ၂၀၀ ကျော်သာ ကျောင်းအပ်နှံ ကာ ပညာသင်ကြားလျက်ရှိကြောင်းသိရသည်။
မြဝတီခရိုင်အတွင်းမှာတော့ အစိုးရစာသင်ကျောင်းပေါင်း (၁၁၅)ကျောင်း ရှိသည့်အနက် (၇၆)ကျောင်းကို ဖွင့်လှစ်နိုင်ခဲ့ပြီဖြစ်ကြောင်း နောက်ထပ်တိုးချဲ့ဖွင့်လှစ်မည့် စာသင်ကျောင်းများလဲ ရှိနေကြောင်း မြို့နယ်ပညာရေးမှူး ဦးမိုးကျော် က ပြောသည်။
မြဝတီခရိုင်အတွင်း ပုဂ္ဂလိကကျောင်း (၇) ကျောင်းနှင့် ဘုန်းတော်ကြီးသင်စာသင်ကျောင်း (၅) ကျောင်းကိုလဲ ယခုကျောင်းဖွင့်ရာသီတွင် တပြိုင်နက်ဖွင့်လှစ်သွားမည်ဖြစ်သလို ဒေသတွင်း စစ်ရေးပဋိပက္ခကြောင့် နှစ်နှင့်ချီ ပိတ်ထားခဲ့ရသော စာသင်ကျောင်းများကိုလည်း ဖွင့်လှစ်နိုင်အောင် ဆောင်ရွက်လျက်ရှိကြောင်းသိရသည်။
ကိုရွှေသိန်း(မြဝတီ)
