ဟင်္သာတမြို့၌ နှစ်စဉ်ကျင်းပမြဲ ရေငံပိုင်ဦးရှင်ကြီးပွဲတော် လာရောက်သူအများအပြားဖြင့် စည်ကားခဲ့သည်။
အဆိုပါပွဲတော်ကို ညောင်ပင်စျေးရပ်၌ ဇန်နဝါရီလ (၉)ရက်နေ့မှစ၍ (၃)ရက်ကြာ ကျင်းပခဲ့ခြင်းဖြစ်သည်။
အစားအသောက်နှင့် လူသုံးကုန်စျေးဆိုင်ခန်းများဖွင့်လှစ်ခဲ့သည့် ယင်းပွဲတော်၌ လူအများအပြားလာရောက်ခဲ့ကြပြီး ဇာတ်သဘင်အဖွဲ့ဖျော်ဖြေမှုလည်း ပါဝင်ခဲ့သည်။
ယခုနှစ်ဆန်းပိုင်းတွင် ဟင်္သာတမြို့နယ်ရှိ တလုတ္ထော်မြို့၌လည်း ရေငံပိုင်ဦးရှင်ကြီးပွဲတော်ကျင်းပခဲ့ပြီး အောင်ဇမ္ဗူဇာတ်သဘင်ဖျော်ဖြေမှုလည်း ပါဝင်ခဲ့သဖြင့် ပိုမိုစည်ကားခဲ့သည်။
