မန်စီးတီးနဲ့ နော်ဝေတိုက်စစ်မှူး ဟာလန်းဟာ လက်ရွေးစင်အသင်းအတွက် ပထမဆုံးအကြိမ်အဖြစ် တစ်ပွဲတည်း(၅)ဂိုး သွင်းယူနိုင်ခဲ့ကြောင်း သိရပါတယ်။
မော်လ်ဒိုဗာအသင်းကို (၁၁-၁)ဂိုးနဲ့ အနိုင်ရခဲ့တဲ့ပွဲမှာ ဟာလန်းက (၅)ဂိုးသွင်းယူနိုင်ခဲ့တာဖြစ်ပြီး ဒါဟာ ကစားသမားဘဝတစ်လျှောက် ပထမဆုံးအကြိမ်အဖြစ် လက်ရွေးစင်အသင်းအတွက် (၅)ဂိုးသွင်းယူနိုင်ခြင်းအဖြစ် မှတ်တမ်းဝင်ခဲ့တာပါ။
ဟာလန်းဟာ ကလပ်အသင်းမှာတော့ တစ်ပွဲတည်း (၅)ဂိုးသွင်းယူနိုင်တာ နှစ်ကြိမ်ရှိခဲ့ဖူးပြီး ၂၀၂၂-၂၃ ရာသီတုန်းက ချန်ပီယံလိဂ်(၁၆)သင်းအဆင့်မှာ လိုက်ပ်ဇစ်ကို (၇-၀)ဂိုးနဲ့ အနိုင်ရတုန်းက တစ်ကြိမ်၊ ၂၀၂၃-၂၄ ရာသီတုန်းက FA ဖလားမှာ လူတန်အသင်းကို (၆-၂)ဂိုးနဲ့ အနိုင်ရတုန်းက တစ်ကြိမ် သွင်းယူခဲ့တာဖြစ်ပါတယ်။
ဟာလန်းဟာ လက်ရှိအချိန်မှာ ကလပ်အသင်းနဲ့ လက်ရွေးစင်အသင်းအတွက် ဟက်ထရစ်(၂၆)ကြိမ်အထိ သွင်းယူနိုင်ခဲ့ပြီဖြစ်ပြီး လက်ရွေးစင်အသင်းအတွက် (၄၅)ပွဲမှာ (၄၈)ဂိုးသွင်းယူကာ ဂိုးသွင်းအများဆုံးကစားသမားအဖြစ်လည်း ရပ်တည်နေပါတယ်။
ဟာလန်းဟာ ၁၉၇၇ ခုနှစ်က တစ်ပွဲတည်းမှာ (၆)ဂိုးသွင်းယူခဲ့တဲ့ သြစတြီးယားကစားသမား ဟန်စ်ကရန်ကယ်လ်နောက်ပိုင်း ကမ္ဘာ့ဖလားခြေစစ်ပွဲမှာ တစ်ပွဲတည်း(၅)ဂိုးသွင်းယူနိုင်တဲ့ ပထမဆုံးဥရောပကစားသမားအဖြစ်လည်း မှတ်တမ်းဝင်ခဲ့ကြောင်း သိရပါတယ်။
လက်ရွေးစင်အသင်းအတွက် ပထမဆုံးအကြိမ်အဖြစ် ဟာလန်း တစ်ပွဲတည်း (၅)ဂိုးသွင်းယူ
Related Articles
