လီဗာပူးလ်ကို အန်ဖီးလ်မှာမန်ယူနိုက်တက်က ခုနှစ်ဂိုးဂိုးမရှိနဲ့ ရှုံးဖူးတယ်။ အဲဒီအရှုံးဟာ မန်ယူနိုက်တက်အတွက် ဂန္ထဝင်အမည်းစက်၊ တန်ဟက်ဂ်လက်ထက် မန်ယူနိုက်တက်ရဲ့ရှက်စရာအကောင်းဆုံးပြဇာတ်၊ ဒါပေမဲ့ တန်ဟက်ဂ်က Gaint Killer ဖြစ်ဖူးတယ်။ လီဗာပူးလ်ကိုကျော်ဖြတ်ပြီး FA ဖလားဖိုင်နယ် ရောက်ဖူးတယ်။ အဲဒီ FA ဖလား ဖိုင်နယ်မှာ သူတို့နဲ့အဆင့်အတန်းချင်း မိုးနဲ့မြေလိုကွာခြားနေတဲ့ မန်စီးတီးကိုအနိုင်ရဖူးတယ်။ အခု အာမိုရင်မ်က မန်စီးတီးကို အနိုင်ယူပြတယ်၊ လီဗာပူးလ်ကို အန်ဖီးလ်မှာအစီးသရေ ကစားပြတယ်။ ဒီလိုနဲ့ပဲ အာမိုရင်မ်ခေတ်ရောက်တော့မယ်ဆိုပြီး လက်ခမောင်းခတ်ရမှာလား။ စိတ်ကူးယဉ်အိပ်မက်ကမ္ဘာကို မေ့ပစ်လိုက်ပါ။ ဂုဏ်ဆာနေတဲ့မန်ယူနိုက်တက်ဖန်တွေ ပြန်အိပ်လိုက်ပါ။ ဆောင်းတွင်းမို့အေးလှတယ်၊ ဂူထဲပြန်အောင်းလိုက်ပါ။