အာဆင်နယ်ဟာ ကျွန်တော့်ဘဝထဲ ရေစက်နီးခဲ့ပါတယ်။ အာဆင်နယ်ကို ကျွန်တော် မရောက်ခင်ကတည်းက တည်ရှိခဲ့တဲ့ရေစက်ပေါ့လေ။ ရှင်းပြရခက်ပါတယ်။ ဒါပေမဲ့ ကျွန်တော့်ဆီမှာ ပြောပြစရာဇာတ်လမ်းလေးတစ်ပုဒ်ရှိနေတယ်။ ကျွန်တော်က ဗီဒီယိုဂိမ်းစ်တွေ သိပ်မကစားဖြစ်ဘူး။ ဂိမ်းစ်ကစားတဲ့ မျိုးဆက်ထဲက လူငယ်တစ်ယောက်ဖြစ်ပေမဲ့ ကျွန်တော်ဟာ ဖီဖာဂိမ်းကလွဲပြီး ကျန်တာတွေ သိပ်မကစားဖြစ်ပါဘူး။ များသောအားဖြင့် ကျွန်တော်ကစားဖြစ်တာ Career Mode ပါ။ ကျွန်တော် အမြဲတမ်းရွေးချယ်တဲ့အသင်းဟာ အာဆင်နယ်ပါ။ အာဆင်နယ်ဟာ ကျွန်တော့်ရဲ့ ဖီဖာဂိမ်းက အသင်းပဲ။ နော်ဝေမှာ ရှင်သန်ကြီးပြင်းလာသူ ကျွန်တော်က ပရီးမီးယားလိဂ်ကို နှစ်သက်တယ်။ အာဆင်နယ်ကို သဘောကျတယ်။