မန်ချက်စတာယူနိုက်တက်အသင်းက အာဆင်နယ်အသင်းကို ဂိုးကန်သွင်းချက် (၅) ကြိမ်သာ ပြုလုပ်နိုင်ပြီး ခပ်ပျော့ပျော့ ခပ်လွယ်လွယ်ပဲ ရှုံးနိမ့်သွားတယ်။ ပွဲကြိုသတင်းစာရှင်းလင်းပွဲမှာ အာမိုရင်မ် ပြောခဲ့သလို အသင်းဆီ မုန်တိုင်းတွေရောက်လာဖို့ ရှိတယ်ဆိုတာ မှန်တဲ့အကြောင်း ပထမဆုံး အာဆင်နယ်မုန်တိုင်းက သက်သေပြခဲ့ပါတယ်။ ပရီးမီးယားလိဂ်ကို ခရီးရောက်မဆိုက်ပဲ အာမိုရင်မ်ဟာ သင်ခန်းစာတွေ တစ်ခုပြီး တစ်ခု သင်ယူနေရပြီဖြစ်တယ်။ အကောင်းမြင်စရာဖြစ်နေတာက အာမိုရင်မ်ဟာ အဲဒီသင်ခန်းစာတွေကို ကြိုတင်တွေးဆထားပြီး လက်ခံနေပုံပေါ်တာပါပဲ။