မြန်မာအသင်း အုပ်စုတက်မယ်၊ မတက်ဘူးဆိုတာ ပထမဆုံးကစားရမယ့် အင်ဒိုနီးရှားနဲ့ အိမ်ကွင်းအပေါ် (၆၅) ရာခိုင်နှုန်း မူတည်ပါတယ်။ အင်ဒိုနီးရှားကို ကိုယ့်မြေပေါ်မှာသာ ရှုံးခဲ့မယ်ဆိုရင် မြန်မာအသင်း အုပ်စုက မတက်နိုင်တော့ဘူးဆိုတာ (၈၅) ရာခိုင်နှုန်း သေချာသွားပါပြီ။ ရှုံးဖို့ကလည်း (၈၅) ရာခိုင်နှုန်း သေချာနေပါတယ်။ ဘာကြောင့်ဆိုတော့ ဖိလစ်ပိုင်၊ ဗီယက်နမ်တို့နဲ့ ကစားရမယ့် အဝေးကွင်းပွဲ နှစ်ပွဲမှာ မြန်မာအသင်း အမြင့်ဆုံးရရင် (၁) မှတ် သို့မဟုတ် (၃) မှတ် ဖြစ်နေလို့ပါပဲ။ မြန်မာအသင်းဟာ ဖိလစ်ပိုင်နဲ့ အဝေးကွင်းပွဲမှာ အနိုင်(၃) မှတ်ရဖို့အထိ မျှော်လင့်နိုင်ပါတယ်။ ဒါက ဖြစ်နိုင်ခြေ ရဲ့ (၄၅) ရာခိုင်နှုန်းပဲ ရှိပါတယ်။ ကျွန်တော် အားမနာတမ်း သုံးသပ်ရမယ်ဆိုရင် မြန်မာအသင်းဟာ ဖိလစ်ပိုင်နဲ့ အဝေးကွင်းပွဲမှာ အမြင့်ဆုံးရရင် သရေ (၁) မှတ်ပါပဲ။ ကံဆိုးရင် ဇီးရိုးမှတ်ပဲ ရပါလိမ့်မယ်။ ဖိလစ်ပိုင်နဲ့ပွဲမှာ မြန်မာအသင်း မရှုံးနိုင်ဘူးလို့ ကျွန်တော်တို့ တရားသေ တွက်ဆထားလို့ မရပါဘူး။ ဘာကြောင့်ဆိုတော့ ဖိလစ်ပိုင်အသင်းဟာ သူ့အိမ်ကွင်းမှာ လက်ရှိ အာဆီယံရဲ့ ခြေစွမ်းအစွာဆုံး အင်ဒိုနီးရှားအသင်းကို ကမ္ဘာ့ဖလားခြေစစ်ပွဲမှာ သရေကစားထားပါတယ်။ အာဖဂန်နစ္စတန်၊ နီပေါ အသင်းတွေကို အနိုင်ကစားထားပါတယ်။