တရုတ်နိုင်ငံအလယ်ပိုင်းတွင် ဒေါ်လာ ၈၀ ဘီလျံကျော်တန်ဖိုးရှိ ကမ္ဘာ့အကြီးဆုံးရွှေကြောကို တွေ့ရှိခဲ့သည်ဟု India Today သတင်းတွင် ဖော်ပြခဲ့သည်။
ထိုရွှေကြောတွင် အရည်အသွေးမြင့် ရွှေ ၁၀၀၀ မက်ထရစ်တန်ခန့်ရှိပြီး တန်ကြေးအားဖြင့် ဒေါ်လာ ၈၃ ဘီလျံခန့်ရှိကာ ရွှေ ၉၀၀ မက်ထရစ်တန်ခန့်ရှိသည့် တောင်အာဖရိကနိုင်ငံရှိ South Deep သတ္တုတွင်းကိုကျော်ပြီး ကမ္ဘာ့အကြီးဆုံး ရွှေကြောကို ရှာဖွေတွေ့ရှိမှုဖြစ်ခဲ့သည်ဟု တရုတ်နိုင်ငံပိုင် မီဒီယာက ဖော်ပြခဲ့သည်။
ဟူနန်ပြည်နယ် ပင်ကျန်းကောင်တီတွင် တွေ့ရှိခဲ့သည့် ထိုရွှေကြောတွင် မြေပြင်အနက် ၂ ကီလိုမီတာအထိ ရွှေကြောပေါင်း ၄၀ ခန့် တွေ့ရှိရကြောင်း ဘူမိဗေဒပညာရှင်များက ပြောကြားခဲ့သည်။
ထိုကဲ့သို့ ရွှေကြောရှာဖွေတွေ့ရှိမှုသည် ကမ္ဘာလုံးဆိုင်ရာ ရွှေထုတ်လုပ်မှုစုစုပေါင်း၏ ၁၀ ရာခိုင်နှုန်းရှိသည့် တရုတ်၏ ရွှေလုပ်ငန်းကဏ္ဍအတွက် ကြီးမားသည့် ကောင်းကျိုးများကို ရရှိစေလိမ့်မည်ဟု ကျွမ်းကျင်သူများက ခန့်မှန်းထားသည်။
တရုတ်သည် ကမ္ဘာ့ရွှေစျေးကွက်ကိုလွှမ်းမိုးထားပြီး ၂၀၂၄ ခုနှစ်တွင် အရန်ထားရှိသည့် ရွှေသည် ၂၀၀၀ တန်ခန့်ရှိနိုင်ကြောင်း India Today သတင်းတွင် ဖော်ပြထားသည်။
Ref: India Today
Photos- Getty Images/ Xinhua
