ဒီဘက်နောက်ပိုင်းရာသီတွေမှာ လန်ဒန်ဘာ အရောင်လဲဆိုတဲ့မေးခွန်းက ဘောလုံးပရိသတ်တွေအကြား မကြာခဏဆိုသလိုထွက်ပေါ်လာတတ်ပြီး ထုံးစံအတိုင်း လက်ရှိ ၂၀၂၄-၂၅ ရာသီမှာလည်း ချယ်လ်ဆီး၊ အာဆင်နယ်၊ စပါးလန်ဒန်ထိပ်သီး (၃)သင်းရဲ့ ရှုထောင့်ပေါင်းစုံက အပြင်းထန်ဆုံးတိုက်ပွဲတွေကို မြင်တွေ့ရဖို့ရှိနေပြန်ပါတယ်။ အထူးသဖြင့် ရာသီကုန်ပရီးမီးယားလိဂ်အမှတ်ပေးဇယားမှာ ဘယ်လန်ဒန်အသင်းက အဆင့်အကောင်းဆုံးဖြစ်မလဲ၊ ဘယ်လန်ဒန်ကလပ်အသင်းက ဆုဖလား တွေကိုင်မြှောက်သွားမလဲ၊ ဘယ်လန်ဒန်ကလပ်အသင်းက အသင်းလိုက်ရော၊ တစ်ဦးချင်းအရပါ အောင်မြင်မှုတွေရယူသွားနိုင်မလဲ အစရှိတဲ့အပြင်း ထန်ဆုံးအားပြိုင်မှုတွေက တဖြည်းဖြည်းနဲ့ ဇာတ်ရှိန်မြင့်လာခဲ့ပါတယ်။