မိုဟာမက်အလီလည်း ငွေမက်ဖူးတယ်

Photo : X

Published 18 November 2024

ပွဲဆူခဲ့တဲ့မိုက်တိုင်ဆန်နဲ့ ဂျိတ်ပေါလ်တို့ရဲ့ပွဲက ဂျိတ်ပေါလ်နိုင်ပွဲရပြီး အဆုံးသတ်ခဲ့ပါတယ်။ ပွဲချီပြည့်တဲ့အထိ အသက် ၅၈ နှစ်အရွယ် သံမဏိမိုက်က သူ့ရဲ့မာဂုဏ်ကိုပြသနိုင်ခဲ့ပါတယ်။ မိုက်တိုင်ဆန်ပရိသတ်ဖြစ်ခဲ့ဖူးတယ်လို့ ဝန်ခံထားတဲ့ ဂျိတ်ပေါလ်က မိုက်တိုင်ဆန်ကိုညှာခဲ့ပုံပါပဲ။ ဒါမှမဟုတ် ဟဲဗီးဝိတ်လောကရဲ့ဂန္ထဝင်မိုက်တိုင်ဆန်ကို လေးစားမှုပြခဲ့ပါတယ်။ အရင်တုန်းကလေကြီးခဲ့တဲ့ ဂျိတ်ပေါလ်ဟာ အခုပွဲမတိုင်ခင်မှာ "မိုက်တိုင်ဆန်ကို လေးစားပါတယ်။ ဒါပေမဲ့ သူ့ကိုကျွန်တော်ညှာနေမှာမဟုတ်ဘူး။ အမှောက်သိပ်သွားမှာပါ" လို့ သတိပေးပေမယ့် တကယ်တမ်းထိုးချိန်မှာ အထာထားခဲ့တာပါ။ မိုက်တိုင်ဆန်ကလည်း ဂျိတ်ပေါလ်ကို ပွဲမတိုင်ခင်က သားပေါက်လိုသဘောထားခဲ့ပါတယ်။