PSG အသင်းသည် ဘာစီလိုနာအသင်းမှ ပြင်သစ်နောက်ခံလူ ခွန်ဒဲကို ယူရိုသန်း(၁၀၀)ဖြင့် ကမ်းလှမ်းရန် အသင့် ရှိနေကြောင်း စပိန်မီဒီယာ Fichajes က ဖော်ပြခဲ့သည်။ 

ခွန်ဒဲ သည် ဘာစီလိုနာအသင်း၏ အမာခံကစားသမား တစ်ဦးအဖြစ် ရပ်တည်နေသော်လည်း ၎င်း၏ စိတ်ကြိုက်နေရာဖြစ်သည့် ခံစစ်အတွင်းလူအဖြစ် ကစားရခြင်းမရှိပေ။ 

PSG အသင်းက ၎င်းကို ခေါ်ယူရန် ကမ်းလှမ်းရာတွင် ခံစစ်အတွင်းလူအဖြစ် ကစားရမည့် အခွင့်အရေးပေးမည်ဟူသည့် အချက်ကို ထည့်သွင်းကမ်းလှမ်းဖွယ်ရှိကြောင်းလည်း Fichajes က ဖော်ပြခဲ့သည်။ 

ခွန်ဒဲသည် ဘာစီလိုနာအသင်းနှင့် ၂၀၂၇ ခုနှစ်အထိ စာချုပ်ချုပ်ဆိုထားသည့်အပြင် ယူရို(၁)ဘီလီယံတန် လျော်ကြေးစာချုပ်လည်း ချုပ်ဆိုထားသည်။

၎င်းသည် ဘာစီလိုနာအသင်းအတွက် ယခုရာသီတွင် ပြိုင်ပွဲစုံ ၁၆ ပွဲ ကစားထားကာ ၁ ဂိုး သွင်းယူပေးထားသည်။