ချယ်လ်ဆီးအသင်း၏ အင်္ဂလန်တောင်ပံကစားသမား စတာလင်က အင်္ဂလန်လက်ရွေးစင် အသင်းအတွက် ကစားရသည်ကို လွမ်းနေသည်ဟု ပြောကြားခဲ့သည်။
စတာလင်(၂၉ နှစ်) သည် ၂၀၁၂ ခုနှစ်တွင် အင်္ဂလန်အသင်းအတွက် စတင်ရွေးချယ်ခြင်းခံခဲ့ရသူဖြစ်ပြီး ၂၀၂၂ နောက်ပိုင်း တွင် ရွေးချယ်ခြင်းမခံရတော့ပေ။
ထို့ကြောင့် ၎င်းက အင်္ဂလန်အသင်းကို လွမ်းနေသည်ဟု ပြောကြားခဲ့ခြင်းဖြစ်သည်။
"အင်္ဂလန်အသင်းအတွက် ကစားရတာကို ကျွန်တော် မြတ်နိုးပါတယ်။ ဒါဟာ ကစားသမားဘဝမှာ အကောင်းဆုံးခံစားချက်တွေထဲက တစ်ခုပါ။ အင်္ဂလန်အသင်းအတွက် ပြန်ကစားခွင့်ရအောင် ကျွန်တော် ကြိုးစားသွားမှာပါ"ဟု စတာလင်က ပြောကြားခဲ့သည်။
စတာလင်သည် အင်္ဂလန်လက်ရွေးစင်အသင်းအတွက် ၂၀၁၂ ခုနှစ်တွင် စတင်ကစားခဲ့ပြီး အသင်းအတွက် (၈၂) ပွဲကစားရာတွင် ဂိုး (၂၀) သွင်းခဲ့သူဖြစ်သည်။
