ဒီဘက်နောက်ပိုင်းရာသီတွေဟာ အက်သလက်တီကိုနဲ့ ဆီမြွန်နီအတွက် မတည်ငြိမ်မှုတွေ၊ အခက်အခဲတွေ၊ စိန်ခေါ်မှုတွေနဲ့အတူ ဖိအားများလွန်းခဲ့ပါတယ်။ အထူးသဖြင့် ၂၀၂၁-၂၂ ရာသီကနေ ၂၀၂၃-၂၄ ရာသီအထိ (၃)ရာသီဆက်တိုက် အက်သလက်တီကိုအသင်းဟာ နည်းပြ ဆီမြွန်နီလက်ထက် ပထမဆုံးအကြိမ် ဖလားလက်မဲ့ မှတ်တမ်းဆိုးကိုကြုံတွေ့ခဲ့တယ်။ ပြီးခဲ့တဲ့ ၂၀၂၃-၂၄ ရာသီမှာဆိုရင် အက်သလက်တီကိုဟာ ဆီမြွန်နီလက်ထက် အဆိုးရွားဆုံး လာလီဂါအဆင့်ရပ်တည်မှုအဖြစ် အဆင့် (၄) နေရာနဲ့ ရာသီသိမ်းခဲ့ရပြီး အသင်းရဲ့အခြေအနေက ရှုထောင့်ပေါင်းစုံမှာ ဖိအားတွေနဲ့ ရင်ဆိုင်ခဲ့ရတယ်။