ဒီရာသီဟာ လီဗာပူးလ်အသင်းအတွက် နည်းပြယာဂန်ကလော့ပ်လက်ထက် နောက်ဆုံး (၅)ရာသီအတွင်း အပြောင်းအလဲအများဆုံးသော အစုအဖွဲ့ကို ပိုင်ဆိုင်ထားချိန်လို့ဆိုရမှာဖြစ်ပြီး၊ အဓိက ကစားသမားတွေ အသက်အရွယ်ရလာတာ၊ လူငယ်ကစားသမားတွေ၊ ကစားသမားသစ်တွေက လီဗာပူးလ်ဆိုတဲ့ ပုံရိပ်အောက်မှာ စိတ်ချယုံကြည်ရတဲ့ ခြေစွမ်းမျိုးရဖို့ အချိန်တစ်ခု လိုအပ်နေသေးတာတွေကြောင့် လီဗာပူးလ်ပရိသတ်တွေကိုယ်တိုင် သူတို့အသင်းအပေါ် မျှော်လင့်ချက်ကြီးကြီးမားမား မထားခဲ့ကြတာပါ။ ဒါ့ပြင် လီဗာပူးလ်အသင်းဟာ ပြီးခဲ့တဲ့ ၂၀၂၂-၂၃ ရာသီမှာလည်း ဖလားလက်မဲ့နဲ့ ရာသီသိမ်းခဲ့ပြီး နောက်ဆုံး (၇)ရာသီအတွင်း ပထမဆုံးအကြိမ် ချန်ပီယံလိဂ်ဝင်ခွင့်နဲ့ လွဲချော်တဲ့အထိ အခြေအနေယိမ်းယိုင်ခဲ့တာကြောင့်လည်း ဒီရာသီမှာ လီဗာပူးလ်နဲ့ပတ်သက်တဲ့  ဆုဖလားရင်ခုန်သံတွေ တိုးတိတ်နေခဲ့တာပါ။