စပါးကတော့ မထင်မှတ်ထားတဲ့ အရွေ့တစ်ခု၊ အပြောင်းအလဲတစ်ခုမှာပဲ အနာနဲ့ဆေး တွေ့ခဲ့ပုံရပါတယ်။ မထင်မှတ်ထားတဲ့ရာသီ၊ မထင်မှတ်ထားတဲ့ အချိန်ကာလမှာမှ စပါးအသင်းရဲ့ စွမ်းဆောင်ပြမှုတွေ၊ အောင်မြင်မှုတွေက ရှုထောင့်ပေါင်းစုံမှာ အထင်ကြီးစရာ ကောင်းနေတယ်။ ပြိုင်ဘက်အသင်း ပရိသတ်တွေသာမက စပါးပရိသတ်တွေကိုယ်တိုင် ပါးစပ်အဟောင်းသားဖြစ်ရလောက်တဲ့ အံ့အားသင့်စရာ ရလဒ်ကောင်းတွေ၊ တည်ငြိမ်မှုတွေကို ပြသနေတယ်။ ၂၀၂၃-၂၄ ရာသီ ပရီးမီးယားလိဂ်ပွဲစဉ် (၈)အပြီးမှာ စပါးအသင်းဟာ (၆)ပွဲနိုင်၊ (၂)ပွဲသရေ၊ ရှုံးပွဲ မရှိရလဒ်နဲ့အတူ ရမှတ် (၂၀)မှတ် ရရှိထားပြီး မြောက်လန်ဒန်မြို့ခံပြိုင်ဘက် အာဆင်နယ်နဲ့အပြိုင် အမှတ်ပေးဇယားထိပ်ဆုံးမှာ ရပ်တည်နေတယ်။