ဦးဖြိုး​ဇေယျာ​သော်နှင့် ကိုဂျင်မီတို့၏ သေဒဏ်ကိုအတည်ပြုခြင်းသည် နိုင်ငံ​​တော် ၏ တရားဥပ​ဒေစိုးမိုး​ရေးအတွက် ​ဆောင်ရွက် ခြင်းဖြစ်​ကြောင်း  နိုင်ငံ​တော်စီမံအုပ်ချုပ်​ရေး​ကောင်စီ ပြော​ရေးဆိုခွင့်ရှိသူ၊ ပြန်ကြား​ရေးဝန်ကြီးဌာန ဒုတိယဝန်ကြီး ဗိုလ်ချုပ် ဇော်မင်းထွန်းက ​ပြောကြားသည်။

ဇွန် ၁၆ ရက်က ​နေပြည်​တော်ရှိ ပြန်ကြား​ရေးဝန်ကြီးဌာန၌ကျင်းပသည့် နိုင်ငံ​တော်စီမံ အုပ်ချုပ်ရေးကောင်စီ သတင်းထုတ်ပြန်​ရေး အဖွဲ့၏သတင်းစာရှင်းလင်းပွဲတွင် NLD လွှတ်တော်ကိုယ်စားလှယ်ဟောင်း ဦးဖြိုး​ဇေယျာ​သော်နှင့် ၈၈မျိုးဆက်​ကျောင်းသား​ခေါင်း​ဆောင် ဦးကျော်မင်းယု(​ခေါ်)ဦးဂျင်မီတို့ကို ​သေဒဏ်ချမှတ်ထားခြင်းအ​​ပေါ် နိုင်ငံကာ၏ ပြစ်ဒဏ်ကို သက်ညှာ​ပေးရန် ​​ရေးသား​ပေးပို့ နေခြင်းများနှင့်ပတ်သက်၍ ​သတင်း​ထောက် တစ်ဦး၏ မေးမြန်းမှုကို ပြန်လည်​ဖြေကြားရာ တွင် ဗိုလ်ချုပ်​ဇော်မင်းထွန်းက အထက်ပါအ တိုင်းထည့်သွင်း​ပြောကြားခဲ့ခြင်း ဖြစ်သည်။

“ဒါနဲ့ပတ်သက်ပြီး မီဒီယာများ​မေးတဲ့ ဟာကိုလည်း ဘာကိစ္စ​တွေကြောင့် ဒီလိုလုပ် ခဲ့တယ်ဆိုတာကို ကျွန်တော်တို့ပြောခဲ့ပြီးဖြစ် တယ်။ ဘယ်ပြစ်မှု​တွေကျူးလွန်ခဲ့တဲ့ အတွက် ကြောင့်ဖြစ်တယ်ဆိုတာလည်း ကျွန်တော်တို့ စုံစုံလင်လင်ပြောခဲ့ပြီးဖြစ်တယ်။ အကြောင်းရှိလို့ အကျိုးဖြစ်တာ ဖြစ်ပါတယ်၊ တချို့ကိစ္စတွေ မှာတော့ တရားစီရင်ရေးစနစ်​ပေါ့၊ တရား စီရင်​ရေးစနစ်နဲ့ပတ်သက်ပြီးတစ်ချို့ကိစ္စ တွေ က တရားဥပဒေစိုးမိုးရေး၊ နိုင်ငံတော်ရဲ့ တရားဥပဒေစိုးမိုးရေးအတွက် ဆောင်ရွက်ခဲ့တာ ဖြစ်ပါတယ်။ နိုင်ငံတိုင်းကလည်း ဆောင်ရွက် ရတာဖြစ်ပါတယ်။နိုင်ငံတိုင်းကလည်း ဆောင်ရွက်ရတဲ့ အခြေအ​နေမျိုးရှိတယ်” ဟု ဗိုလ်ချုပ်ဇော်မင်းထွန်းက ​ပြောကြားသည်။

အထက်ပါကဲ့သို့ချမှတ်ထားသည် သေဒဏ်ပြစ်ဒဏ်နှင့်ပတ်သက်ပြီး နိုင်ငံတကာတွင်လည်း ​သေဒဏ်​မပေးသည့် နိုင်ငံ များ ရှိသကဲ့သို့ သေဒဏ်​ပေးသည့်နိုင်ငံပေါင်း ၈၀ နီးပါရှိကြောင်းနှင့်သေဒဏ်အား ဆိုင်းငံ့ ထား၍ ပြစ်ဒဏ်မ​ပေးသည့် နိုင်ငံများလည်း ရှိ​ကြောင်း ဗိုလ်ချုပ်​ဇော်မင်းထွန်းက ​ပြော ကြားသည်။

ဗိုလ်ချုပ်ဇော်မင်းထွန်းက“တရားဥပဒေ စိုးမိုးရေးအရ လိုအပ်ရင် လိုအပ်သလိုလုပ်ရ တယ်လို့ထင်ပါတယ်။ တရားဥပဒေစိုးမိုးရေး ဆိုတဲ့နေရာမှာ ကျွန်တော်ပြောချင်တာက ဒီ သူတို့ကိုဆိုတာထက် ဒီပုဂ္ဂိုလ်တွေကို ရည် ညွန်းတယ်ဆိုတာထက် ကျွန်တော်တို့တရား ဥပဒေစိုးမိုးရေးကဏ္ဍမှာ နောင်မှာ အလားတူ ဖြစ်စဉ်မျိုးတွကို မလုပ်နိုင်အောင်၊ နောင်မှာ အလားတူဖြစ်စဉ်မျိုးတွေကို မလုပ်ရအောင် သူတို့ဘာပြစ်မှုတွေ ကျူးလွန်ခဲ့တယ်ဆိုတာ ကျွန်တော်တို့ တရားဝင်ထုတ်ပြန်ပြီး ဖြစ်တယ်။ သူတို့လက်ချက်ကြောင့်မလို့အနည်းဆုံး အပြစ်မဲ့ပြည်သူလူထုပဲပြောတာ၊ လုံခြုံရေးတပ် ဖွဲ့ဝင်တွေမပြောသေးဘူး၊ အပြစ်မဲ့ပြည် သူလူ ထုသူတို့ရဲ့အားပေးအားမြှောက်မှုကြောင့် အနည်းဆုံး (၅၀) ကျော်သေခဲ့ရပါတယ်။ အဲ တော့ ဒါကိုတရားမမျှတဘူးလို့ကျွန်တော် တို့ ဘာပြောမလဲ။ ဒီလိုပဲပြောချင်ပါတယ်” ဟု ​ပြောကြားသည်။

ယင်းကိစ္စများနှင့်ပတ်သက်၍ နိုင်ငံခြား​ရေးဝန်ကြီးဌာနကလည်း သတင်းထုတ်ပြန် ထားပြီး မြန်မာ နိုင်ငံသည် အချုပ်အခြာ အာဏာပိုင် နိုင်ငံတစ်ခုဖြစ်သည့်အတွက် အချုပ် အခြာအာဏာပိုင်နိုင်ငံတစ်ခုတွင် အချုပ် အခြာ၏ ပြယုဂ်များဖြစ်သည် တရားစီရင်ရေး၊ ဥပဒေပြုရေး၊ အုပ်ချုပ်ရေးမဏ္ဍိုင်တွေကို လွတ်လပ်စွာလုပ်ကိုင်ခွင့်ရှိ​ကြောင်း ဗိုလ်ချုပ် ဇော်မင်းထွန်းက ​ပြောာကြားသည်။

“နိုင်ငံတော်အစိုးရအနေနဲ့ဒီလိုလုပ် ဆောင်တဲ့အခါ သူ့ရဲ့လိုအပ်တဲ့အခါမှာ လို အပ်တဲ့ အချိန်အလျောက်လုပ်ဆောင်ရတာမျိုးဖြစ်ပါတယ်” ဟု ဗိုလ်ချုပ်​ဇော်မင်းထွန်းက ​ပြောကြားသည်။

၂၀၂၂ ခုနှစ်  ဇွန် ၃ ရက်က ဦးဖြိုးဇေယျာ​သော်နှင့် ဦးဂျင်မီအပါအဝင် ​သေဒဏ်ချမှတ် ခံထားရသူလေးဦး၏ အယူခံတင်သွင်းခြင်း များကိုပယ်ချ၍ ​သေဒဏ်အားအတည်ပြု ခဲ့ ကြောင်း ဗိုလ်ချုပ်​​ဇော်မင်းထွန်းက ​ပြောကြား ထားသည်။