ဒေါ်​အောင်ဆန်းစုကြည် ဘန်​ကောက်သို့ လူနာ​မေးသွား​​ရာတွင် MAI ​လေယာဉ် စင်းလုံးငှားသည့်ကိစ္စ အဂတိလိုက်စားမှု ရှိ၊ မရှိ စိစစ်သွားမည်ဖြစ်​ကြောင်း နိုင်ငံ​တော်စီမံအုပ်ချုပ်​ရေး​ကောင်စီ ​ပြော​ရေး​ဆိုခွင့်ရှိသူ၊ ပြန်ကြား​ရေးဝန်ကြီးဌာန ဒုတိယဝန်ကြီး ဗိုလ်ချုပ်​ဇော်မင်းထွန်းက ​ပြောကြားသည်။

ဇွန် ၁၆ ရက်က ​နေပြည်​တော်ရှိ ပြန်ကြား​ရေးဝန်ကြီးဌာန၌ ကျင်းပသည့် နိုင်ငံ​တော်စီမံအုပ်ချုပ်​ရေး​ကောင်စီ သတင်းထုတ်ပြန်​ရေးအဖွဲ့၏ သတင်းစာရှင်းလင်းပွဲတွင် NLD အစိုးရလက်ထက်က ​ဒေါ်​အောင်ဆန်းစုကြည်သည် ထိုင်းနိုင်ငံကို ၎င်း၏မိတ်​ဆွေ တစ်​ယောက်၏ဇနီး ​နေမ​ကောင်း၍ ​ဆေးရုံတတ်ခြင်းကို ​လေယာဉ်ပျံ စင်းလုံးငှားကာ အသွားအပြန် သွားခဲ့​ကြောင်း၊ ယင်းကိစ္စတွင် နိုင်ငံ​တော်ပိုက်ဆံနှင့် သုံးခဲ့သလား၊ ၎င်းအိတ်ကပ်ထဲက နိုဘယ်လ်ဆုရထားသည် ပိုက်ဆံ​များ သုံးခဲ့သလား၊ နိုင်ငံ​တော်ဘတ်ဂျက်နှင့် သုံးခဲ့သည်ဆိုပါက  အဂတိ​လိုက်စားမှု မြောက်၊ မ​မြောက် ​ဖြေကြား​ပေးပါရန် ​သတင်း​ထောက်တစ်ဦး၏ ​မေးမြန်းမှုကို ပြန်လည်​ဖြေကြားရာတွင် ဗိုလ်ချုပ်​ဇော်မင်းထွန်းက အထက်ပါအတိုင်း ထည့်သွင်း​ပြောကြားခဲ့ခြင်း ဖြစ်သည်။

" ဒါက​တော့ ဘန်​ကောက်မှာ သူ့မိတ်​ဆွေ ဇနီးတစ်​ယောက် ​ဆေးရုံတက်တဲ့ကိစ္စနဲ့ပတ်သက်ပြီး MAI ​လေယာဉ် အသွားအပြန် စင်းလုံးငှား အသုံးပြုခဲ့တယ်ဆိုတာက​တော့ မှန်ပါတယ်။ ဘာနဲ့ ဘယ်လို အသုံးပြုခဲ့တယ်ဆိုတာ​တော့ အဲ့ဖြစ်စဉ်နဲ့ပတ်သက်ပြီး အ​ထောက်အထားရယ်၊ သုံးစွဲမှုဖြစ်စဉ်​ပေါ့၊ အဲတာ​တွေကို​တော့ ကျွန်​တော်တို့ အ​​သေးစိတ် အ​ခြေခံပြီး​တော့ စိစစ်သုံးသပ်ပြီးရင်​တော့ အဂတိလိုက်စားမှု ရှိ၊ မရှိ ဆိုတာ သိရမှာ ဖြစ်ပါတယ်။ ဒါနဲ့ပတ်သက်ပြီး​တော့ အဂတိလိုက်စားမှုတိုက်ဖျက်​ရေး​ကော်မရှင် အ​နေနဲ့လည်း ဒီမှာလည်း အဂတိလိုက်စားမှုတိုက်ဖျက်​ရေး​ကော်မရှင်က ကိုယ်စားလှယ်​​တွေလည်း ပါပါတယ်၊ ဒါနဲ့ပတ်သက်ပြီး မှတ်သားပြီး ​ဆောင်ရွက်သွားမှာဖြစ်ပါတယ်။ ခုနက​ပြောသလို သွားခဲ့တာ​တော့ မှန်တယ်၊ ဘယ်လို သွားခဲ့တယ်ဆိုတဲ့ဟာ​ပေါ့၊ အ​ကြောင်းအရာ​တွေကို အ​​သေးစိတ် ဆက်လက်ပြီး​တော့ ​ဆောင်ရွက်မှာဖြစ်ပါတယ်" ဟု ဗိုလ်ချုပ်​ဇော်မင်းထွန်းက ​ပြောကြားသည်။

အဂတိလိုက်စားမှုတိုက်ဖျက်​ရေး​ကော်မရှင်အ​နေနှင့်လည်း ပြဌာန်းဥပ​ဒေ​တွင်ပါဝင်​သော ပုဒ်မ ၃(က)(၂)၌ အဂတိလိုက်စားမှုနှင့်ပတ်သက်ပြီး အဓိပ္ပါယ်ဖွင့်ဆိုချက်​များရှိပြီး ယင်း အဓိပ္ပါယ်ဖွင့်ဆိုချက်များနှင့်အညီ စိစစ်သုံးသပ်သွားမည်ဖြစ်​ကြောင်း  အဂတိလိုက်စားမှုတိုက်ဖျက်​ရေး​ကော်မရှင် ​ပြော​ရေးဆိုခွင့်ရှိသူ ဦး​ကျော်စိုးက ​ပြောကြားသည်။

ဦး​ကျော်စိုးက " အဲ့ဒီ အဓိပ္ပါယ်ဖွင့်ဆိုချက်​တွေ အတိုင်းပဲ ​​မေးတဲ့ မေးခွန်းနဲ့အညီ ကျွန်​တော်တို့ စိစစ်သုံးသပ်မယ်၊ အ​ကြောင်းအရာ အချက်အလက်​တွေ ဒါမျိုး​တွေ ကြည့်ပြီး​တော့မှ ချိန်ညှိပြီး​တော့မှ ဒါသည် အဓိပ္ပါယ်ဖွင့်ဆိုချက်​တွေအတိုင်း အဂတိလိုက်စားမှု​ ​မြောက်သလား၊ မ​မြောက်သလားဆိုတာကို စိစစ်သွားရမယ့် အ​နေအထားမျိုးဖြစ်ပါတယ်။ ဒါ​ကြောင့်မို့လို့ ကျွန်​တော်တို့အ​နေနဲ့ သတင်း​ထောက်ကြီး ​မေးတဲ့ ​မေးခွန်းအ​​ပေါ်မှာ​တော့ ​မြောက်၊ မ​မြောက်ဆိုတာ​တော့ ​ဖြေကြားဖို့​တော့ ခက်ပါတယ်။ စိစစ်သုံးသပ်ရမယ့် အ​နေအထား ဖြစ်ပါတယ်" ဟု ​ပြောကြားသည်။

လက်ရှိတွင် ရွှေနှင့် ဒေါ်လာများ လာဘ်ငွေအဖြစ် ပေးခဲ့ရသည်ဆိုသော ရန်ကုန်တိုင်းဒေသကြီး ဝန်ကြီးချုပ်ဟောင်း ဦးဖြိုးမင်းသိန်း၏ ထွက်ဆိုချက်များအရ ဒေါ်​အောင်ဆန်းစုကြည်အား အဂတိလိုက်စားမှုတိုက်ဖျက်​​ရေးဥပ​​ဒေပုဒ်မ ၅၅ ဖြင့် တရားစွဲဆိုထားသည့် ရာဇဝတ်ကြီး အမှုအမှတ်(၂)နှင့်ပတ်သက်၍ ပြီးခဲ့သည့် ဧပြီ ၂၇ ရက် ရုံးချိန်းတွင် ​ဒေါ်​အောင်ဆန်းစုကြည်အား ​ထောင်ဒဏ် ငါးနှစ်ကျခံရန် အပြီးသတ်အမိန့်ကို ဇမ္ဗူသီရိ အထူးတရားရုံးက ချမှတ်ထား​ကြောင်း အမှုနှင့်ပတ်သက်၍ ထွက်​ပေါ်လာသည့် သတင်းများအရ သိရသည်။

လက်ရှိတွင် ​ဒေါ်​အောင်ဆန်းစုကြည်အ​နေဖြင့် အဂတိလိုက်စားမှုတိုက်ဖျက်​ရေးဥပ​ဒေ၊ ရာဇသတ်ကြီးဥပ​ဒေပုဒ်မ ၁၃၀(က) တို့ဖြင့် တရားစွဲဆိုထားသည့် အမှုများ အပါအဝင် အမှု​ပေါင်း ၁၂ မှုခန့်အား တတရားရင်ဆိုင်​နေရပြီး စစ်​ဆေးပြီးပြတ်သွားသည့်အမှုများအတွက် ​ထောင်ဒဏ် ၁၁ နှစ် ချမှတ်ခံထားရ​ကြောင်း အမှုနှင့်ပတ်သက်၍ ထွက်​ပေါ်လာသည့် သတင်းများအရ သိရသည်။