အမျိုးသား ဒီမိုကရေစီအဖွဲ့ချုပ်(NLD) အစိုးရလက်ထက်တွင် သမ္မတရုံး ပြောရေးဆိုခွင့်ရှိသူ အဖြစ်ဆောင်ရွက် ခဲ့သည့် ညွှန်ကြား​ရေးမှူးချုပ်​(ငြိမ်း) ဦးဇော်ဌေး၏ နာ​ရေးကို ယ​နေ့ (​မေ ၂၄)ရက်​ ​နေ့လည်ပိုင်းက ​​နေပြည်​တော် ကုတင်-၁၀၀၀ ​ဆေးရုံကြီးတွင် သရဏဂုံတင်ခဲ့​ကြောင်း သိရသည်။

ဦးဇော်ဌေး၏ စျာပနသို့ နိုင်ငံတော်စီမံအုပ်ချုပ်ရေးကောင်စီ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်း လည်း လာရောက်ပို့ဆောင်သည်ကို တွေ့ရသည်။

​မေ ၂၃ ရက် နံနက်ပိုင်း​က နှလုံး​ရောဂါ​ကြောင့် ​ကွယ်လွန်ခဲ့သည့် အတိုင်ပင်ခံရုံး ညွှန်ကြာ​​ရေးမှူးချုပ်​(ငြိမ်း) ဦး​ဇော်​ဌေး၏ ရုပ်အလောင်းအား နေပြည်​တော် ​ကွေ့ကြီးသုသာန်၌ ဂူသွင်းသဂြိုလ်မည်ဖြစ်​ကြောင်း သိရသည်။

တပ်မတော်တွင် ဗိုလ်မှူးအဆင့်အထိ တာဝန်ထမ်း​ဆောင်ခဲ့​ဖူးပြီး အရပ်ဘက်ဝန်ကြီးဌာနသို့ ​ပြောင်း​ရွှေ့လာ သည့် ဦးဇော်ဌေးသည် သမ္မတ(ငြိမ်း)ဦးသိန်းစိန်အစိုးရလက်ထက်တွင် သမ္မတရုံး ညွှန်ကြားရေးမှူးအဖြစ် တာဝန်ထမ်းဆောင်ခဲ့သူလည်းဖြစ်ပြီး NLD အစိုးရဘက်ထက်တွင် သမ္မတရုံး ​ပြော​ရေးဆိုခွင့်ရှိသူ၊ အတိုင်ပင်ခံရုံးညွှန်ကြား​ရေးမှူးချုပ် တာဝန်များကို ထမ်း​​​ဆောင်ခဲ့​သည်။

ယ​နေ့(​မေ ၂၄ ရက်)တွင် ပြုလုပ်သည့် ဦး​ဇော်​ဌေး၏ နာ​ရေးသို့ DSA အပတ်စဉ်တူ သူငယ်ချင်းများ၊ ဝန်ကြီးဌာနများမှ လုပ်​ဖော်ကိုင်ဖက်များလည်း လာ​ရောက်ခဲ့ကြောင်း သိရသည်။