ချယ်လ်ဆီးအသင်းရဲ့ အပြာရောင်ဝတ်စုံကို ဆင်မြန်းကစားခွင့်ရဖို့ အိပ်မက်မက်ခဲ့ဖူးသူတွေ အများကြီးရှိနေဦးမှာပါ။ ဒီလို အပြာရောင်အိပ်မက်ကို ဘောလုံးသမားအနေနဲ့ မဟုတ်ဘဲ မက်ခဲ့သူတစ်ယောက်ကတော့ အိုလီဗီယာဘူဇာဂလိုဆိုတဲ့ ချယ်လ်ဆီးအသင်းရဲ့ ရုပ်သံတင်ဆက်သူ အမျိုးသမီးဖြစ်ပါတယ်။ အားကစားဂျာနယ်လစ် ဖြစ်ချင်တဲ့စိတ်နဲ့ ချယ်လ်ဆီးအသင်းကို အရူးအမူးအားပေးသူဖြစ်နေတဲ့စိတ် ပေါင်းစပ်လိုက်တဲ့အခါ အိုလီဗီယာအတွက် ချယ်လ်ဆီးအသင်းရဲ့ ရုပ်သံတင်ဆက်သူ ဖြစ်ချင်တဲ့အိပ်မက်တစ်ခု ဖြစ်တည်လာခဲ့ပါတယ်။ အမျိုးသမီးဖြစ်ပေမဲ့ အားကစားဂျာနယ်လစ်ဖြစ်ချင်တဲ့စိတ်ရှိနေတာကတော့ ဖခင်ရဲ့သွေးတွေ သူ့ကိုယ်ထဲ စီးဆင်းနေတာကြောင့်လို့ပဲ ဆိုရမှာပါ။