လေဗာကူဆင်နည်းပြ အလွန်ဆိုသည် ရီးယဲလ်နည်းပြ အန်ဆယ်လော့တီ၏နေရာ၌ အစားဝင်ရန် ရေပန်းစားနေဆဲဖြစ်ကြောင်း သိရသည်။
အလွန်ဆိုသည် ပြီးခဲ့သည့်ရာသီတွင် လေဗာကူဆင်အသင်းကို ဘွန်ဒစ်လီဂါချန်ပီယံဆု ရရှိအောင် စွမ်းဆောင်ပေးနိုင်ခဲ့သောကြောင့် ဥရောပထိပ်သီးအသင်းများစွာ၏ စိတ်ဝင်စားခြင်းခံခဲ့ရသည်။
သို့သော် အလွန်ဆိုသည် ထိပ်တန်းအသင်းများကို ပြောင်းရွှေ့ခြင်းမပြုဘဲ လေဗာကူဆင်အသင်းနှင့်သာ သက်တမ်းတိုးစာချုပ်ချုပ်ဆိုခဲ့သည်။
ယင်းအချိန်ကတည်းက ရီးယဲလ်အသင်းသည် အန်ဆယ်လော့တီနှင့် လမ်းခွဲခဲ့ပါက အလွန်ဆိုကို ခန့်အပ်သွားရန် စီစဉ်ထားပြီးဖြစ်သည်ဟု သတင်းထွက်ခဲ့သည်။
လက်ရှိအချိန်တွင်လည်း ၎င်းသည် လာမည့် ၂၀၂၅ သို့မဟုတ် ၂၀၂၆ ၌ ရီးယဲလ်နည်းပြဖြစ်လာလိမ့်မည်ဟု ဆက်လက်ရေပန်းစားလျက်ရှိသည်။
