ဗြိတိန်နိုင်ငံခြားရေးဝန်ကြီးဌာနက ရုရှားစီးပွားရေးသမားတွေရဲ့ ပြည်ဝင်ခွင့်ကိစ္စ တင်းကျပ်ထားပေမဲ့ ခြစားပြီးမသမာမှုများစွာပေါင်းစပ်ထား တဲ့ရုရှားစီးပွားရေးသမားတွေဟာ ဗြိတိန်ရဲ့ အချမ်းသာဆုံးစာရင်းမှာ ဘာလို့လွတ်လပ်စွာရှင်သန်နေနိုင်တာလဲဆိုပြီး မေးခွန်းထုတ်နေကြပြီ။ ချယ်လ်ဆီးအသင်းပိုင်ရှင်အေဘရာမိုဗစ်ချ်က ပေါင် (၁၀) ဘီလီယံကျော်ကြွယ်ဝပြီး ဗြိတိန်အချမ်းသာဆုံး စာရင်းရဲ့အဆင့် (၁၂)နေရာမှာ ရပ်တည်နေတယ်။ အာဆင်နယ်အသင်းနဲ့ပတ်သက်ခဲ့ဖူးပြီး လက်ရှိအချိန်မှာ အဲဗာတန်အသင်းရဲ့နောက်ကွယ်မှာရှိနေသူ အူစမန်နော့ဗ်က ပေါင် (၁၁ .၇)ဘီလီယံ ကြွယ်ဝပြီး ဗြိတိန်အချမ်းသာဆုံးစာရင်းရဲ့ အဆင့်(၇)နေရာရပ်တည်နေပါတယ်။ အမေရိကန်သူဌေး  ကရွန်ကီနဲ့ အာဆင်နယ်ရှယ်ယာလုပွဲမှာ အညံ့ခံ ခဲ့ရသူ အူစမန်နော့ဗ်က အဲဗာတန်ကိုတရားဝင် ပိုင်ဆိုင်ထားသူ မိုရှီရီနဲ့ ရင်းနှီးသူပါ။ ဒီတော့ အဲဗာတန်ရဲ့ ပိုင်ရှင်အစစ်အမှန်ဟာ ဘယ်သူလဲ ဆိုတာသံသယဝင်ချင်စရာကောင်းနေတယ်။