ပြီးခဲ့သည့် နွေရာသီအပြောင်းအရွှေ့ကာလအပြီးတွင် လန်ဒန်ကလပ် ဝက်စ်ဟမ်းအသင်းနှင့် လမ်းခွဲခဲ့သော အင်္ဂလန်ကွင်းလယ်လူ ဝဲလ်ရှိုင်းယားသည် စကော့တလန်ကလပ် ရိန်းဂျားစ်အသင်းသို့ပြောင်းရွှေ့ရန် စဉ်းစားနေကြောင်း သိရှိရသည်။ 

လက်ရှိအချိန်တွင် ဝဲလ်ရှိုင်းယား၏အေးဂျင့်များထံသို့ ရိန်းဂျားစ်အသင်းတာဝန်ရှိသူများက တရားဝင်ဆက်သွယ်မှု မပြုလုပ်သေးသော်လည်း ဝဲလ်ရှိုင်းယားက ရိန်းဂျားစ်အသင်းသို့ သွားရောက်ကစားရန် ဆန္ဒရှိနေကြောင်း ဗြိတိန်မီဒီယာများက ဖော်ပြခဲ့ကြသည်။ 

အာဆင်နယ်အသင်းတွင် ဝဲလ်ရှိုင်းယား ကစားစဉ် ၂၀၁၀ ခုနှစ်အတွင်းက ရိန်းဂျားစ်အသင်းသည် ၎င်းကိုအငှားခေါ်ယူရန် ကြိုးပမ်းခဲ့ဖူးသည်။

ဝဲလ်ရှိုင်းယားသည် ပြီးခဲ့သည့်ရာသီက ဝက်စ်ဟမ်းအသင်းအတွက် ပရီးမီးယားလိဂ်ပွဲစဉ် (၈)ပွဲနှင့် လိဂ်ဖလား ပွဲစဉ် (၂)ပွဲ စုစုပေါင်း (၁၀) ပွဲသာ ကစားခဲ့ရသည်။