အတ္တလန်တာတိုက်စစ်မှူး မူရီယဲလ်က ဂျူဗင်တပ်စ်အသင်းအား ယခုရာသီ စီးရီးအေချန်ပီယံဆုကို ရယူရန် မလွယ်ကူတော့ဟု သတိပေးပြောကြားခဲ့သည်။
ပြီးခဲ့သည့်ရာသီက စီးရီးအေတွင် (၁၈)ဂိုး သွင်းယူခဲ့သည့် မူရီယဲလ်က ''အင်တာက အရေးပါတဲ့ ကစားသမားတွေနဲ့ ပိုမိုအင်အားတောင့်တင်းလာပါတယ်။ အေစီမီလန်က စိတ်အားထက်သန်မှုအပြည့်နဲ့ ပြန်လာခဲ့ပါပြီ။ ဒါ့အပြင် ရိုးမား၊ လာဇီယို၊ နာပိုလီတို့ကလည်း ဇယားထိပ်မှာ အမြဲရှိနေခဲ့တဲ့အသင်းတွေဖြစ်ပြီး ကျွန်တော်တို့အသင်းလည်း ရှိပါသေးတယ်။ ဒီနှစ်က လှပတဲ့ချန်ပီယံလုပွဲဖြစ်လာမှာဖြစ်ပြီး ဂျူဗင်တပ်စ်အတွက် လွယ်ကူမှာ မဟုတ်ပါဘူး''ဟု ပြောကြားခဲ့သည်။
စီးရီးအေရာသီသစ်ကို ယခုတစ်ပတ် စတင်မည်ဖြစ်ပြီး အတ္တလန်တာအသင်းသည် ဂျူဗင်တပ်စ်၊ အင်တာမီလန်တို့၏နောက် တတိယရေပန်းအစားဆုံးအသင်းအဖြစ် ရပ်တည်နေကြောင်း သိရှိရသည်။
