လိဂ်ချန်ပီယံရှစ် Play-off ဗိုလ်လုပွဲ ပွဲကြိုသုံးသပ်ချက်
ဘရန့်ဖို့ဒ် - ဖူလ်ဟမ် (မြန်မာစံတော်ချိန် သြဂုတ် ၅ ရက် နံနက် ၁း၁၅ နာရီ)
ပေါင်သန်းရာချီဝင်ငွေတွေကို ရရှိမယ့်အခွင့်အရေးနဲ့ လက်တစ်ကမ်းအလိုပါ။ ဒီပွဲက ဒီတစ်ရာသီလုံးမှာပြခဲ့တဲ့ ခြေစွမ်းနဲ့ သိပ်မဆိုင်ဘဲ တစ်ပွဲတိုး မီးကုန်ယမ်းကုန်ကြဲကြရမှာဖြစ် ပါတယ်။ တစ်ရာသီလုံးမှာ ခြေစွမ်းပြခဲ့တိုင်း ဒီပွဲမှာ အသာရတတ်တာမဟုတ်ဘူးဆိုတာ သမိုင်းကြောင်းက ပြဆိုနေတယ်။ သောမတ်စ်ဖရန့်ရဲ့ ဘရန့်ဖို့ဒ်ဟာ အထင်ကရဂျာနယ်လစ်တွေရဲ့ ချီးကျူးမှုကို ဆက်တိုက်ခံခဲ့ရတဲ့အသင်းဖြစ်တယ်။ လိဂ်မှာ သွင်းဂိုးအများဆုံးဖြစ်သလို BMWတိုက်စစ်အတွဲလို့ အမွှမ်းတင်ခံနေရတဲ့ ဘန်ရာမာ၊ အမ်ဘူအန်မို၊ ဝက်ကင်စ်တို့ဟာ (၅၇)ဂိုးအထိ သွင်းခဲ့ကြတယ်။ စကော့ပါကားရဲ့ ဖူလ်ဟမ်ကတော့ ပရီးမီးယားလိဂ်အဆင့်ကစားသမားတွေ အများကြီးရှိပြီး ဘရန့်ဖို့ဒ်ထက် လူပိုတောင့်တယ်။ ဒါပေမဲ့ ကစားပုံအရဆိုရင်တော့ ဘရန့်ဖို့ဒ်က ပိုအားကောင်းပြီး ဖန်တီးနိုင်စွမ်းအပြည့်ရှိတဲ့ ကစားသမားတွေကို ပိုင်ဆိုင်ထားတယ်။ ခြုံကြည့်ရင် ခြေညီတဲ့နှစ်သင်းလို့ ပြောရမှာဖြစ်ပြီး အနိုင်ရလဒ်က ဘရန့်ဖို့ဒ်ဘက် ခပ်ပါးပါးရှိမယ်။
