ချယ်လ်ဆီးအသင်းသည် စူပါကွန်ပျူတာ၏တွက်ချက်မှုအရ ချန်ပီယံလိဂ်အုပ်စုအဆင့်တွင် အေဂျက်စ်အသင်း၏ နောက် ဒုတိယနေရာသာ ရပ်တည်နိုင်မည်ဖြစ်ကြောင်း ခန့်မှန်းချက်ထွက်ပေါ်ခဲ့သည်။

ချယ်လ်ဆီးအသင်းသည် ယခုနှစ်ချန်ပီယံလိဂ်အုပ်စုအဆင့်တွင် အေဂျက်စ်၊ ဗလင်စီယာ၊ လိုင်လီတို့နှင့်အတူ ကျရောက်နေပြီး အုပ်စုဗိုလ်အဖြစ် ရှုံးထွက်အဆင့်တက်ရောက်နိုင်မည်ဟု သုံးသပ်မှုများရှိနေသည်။

သို့ရာတွင် အမေရိကန်အခြေစိုက် FiveThirtyEight ဝက်ဘ်ဆိုက်၏စူပါကွန်ပျူတာတွက်ချက်မှုအရ ချယ်လ်ဆီးအသင်းအနေဖြင့် အုပ်စုဒုတိယနေရာရပ်တည်ရန် (၃၁)ရာခိုင်နှုန်းအထိ ရှိနေပြီး ပြီးခဲ့သည့်ရာသီက ဆီမီးဖိုင်နယ်ရောက်ရှိခဲ့သည့် အေဂျက်စ်၏နောက်တွင်သာ ရပ်တည်နိုင်မည်ဟု ခန့်မှန်းခဲ့သည်။

ထို့ပြင် ယခုတစ်ပတ်၌ ချယ်လ်ဆီးနှင့်ရင်ဆိုင်ရမည့် ဗလင်စီယာမှာမူ တတိယနေရာသာရရှိမည်ဟု ဖော်ပြခဲ့သည်။

အုပ်စုတွင်းအားအနည်းဆုံး လိုင်လီအသင်းမှာမူ နောက်တစ်ဆင့်တက်နိုင်ခြေအနည်းဆုံးအဖြစ် (၂၀)ရာခိုင်နှုန်းသာရှိခဲ့သည်။