ဘာစီလိုနာအသင်း၏ အာဂျင်တီးနားတိုက်စစ်မှူး မက်ဆီသည် ဒေါ့မွန်နှင့်ပွဲအတွက် ဘာစီလိုနာအသင်းလူစာရင်းတွင် ပါဝင်လာခဲ့ကြောင်း သိရှိရသည်။

ဘာစီလိုနာအသင်းခေါင်းဆောင် မက်ဆီသည် ရာသီကြိုကာလကတည်းက ခြေ သလုံးကြွက်သားဒဏ်ရာကြောင့် အနားယူနေခဲ့ရခြင်းဖြစ်ပြီး လာလီဂါပွဲစဉ်(၄)ပွဲစလုံးကို လွဲချော်ခဲ့သည်။

သို့သော် အသင်းဆေးအဖွဲ့က ပြန်ကစားနိုင်ပြီဟု ခွင့်ပြုချက်ပေးခဲ့သောကြောင့် တနင်္လာနေ့တွင် လေ့ကျင့်မှု ပြန်လည်ပြုလုပ်ခဲ့ပြီးနောက် ဂျာမနီသို့ထွက်ခွာမည့် အသင်း၏လူစာရင်းတွင် ပါဝင်လာခဲ့ခြင်းလည်းဖြစ်သည်။

ဘာစီလိုနာနည်းပြ ဗယ်လ်ဗာဒီက မက်ဆီကို ကြံ့ခိုင်မှုမပြည့်ဝဘဲ စွန့်စားအသုံးပြုရန် ဆန္ဒမရှိသော်လည်း မက်ဆီကမူ ဒေါ့မွန်နှင့်ပွဲတွင် ပါဝင်ကစားခွင့်ရရန် လိုလားနေကြောင်းလည်း သိရှိရသည်။