လီဗာပူးလ်အသင်းသည် ပြီးခဲ့သည့် သြဂုတ်လက UEFA  အကောင်းဆုံးဘောလုံးသမားဆု ရရှိခဲ့သည့် နယ်သာလန် နောက်ခံလူ ဗန်ဒိုက်အား စာချုပ်သစ်ချုပ် ဆိုရန် စီစဉ်နေကြောင်း သိရှိရသည်။

ဗန်ဒိုက်သည် လီဗာပူးလ်အသင်း နှင့် စာချုပ်သက်တမ်း (၄)နှစ်အထိ ကျန် ရှိနေသေးသူဖြစ်သော်လည်း လီဗာပူးလ်အသင်းတာဝန်ရှိသူများသည် သူ့အား အသင်းတွင် ရေရှည်ရှိနေစေရန်အတွက် လစာငွေတိုးမြှင့်ပြီး စာချုပ်သစ်ချုပ်ဆိုရန် စီစဉ်နေခြင်းဖြစ်သည်။ 

ဗန်ဒိုက်သည် လက်ရှိတွင် လီဗာပူးလ်အသင်း၌ တစ်ပတ်လစာ ငွေ ပေါင်(၁၂၅၀၀၀) ရရှိနေသူဖြစ်ပြီး အကယ်၍ စာချုပ်သစ်ချုပ်ဆိုဖြစ်ခဲ့ပါက တစ်ပတ်လစာငွေ ပေါင်(၂)သိန်းခန့် ရရှိမည် ဖြစ်ကြောင်း Mirror သတင်းစာက ဖော်ပြ ခဲ့သည်။ 

ဗန်ဒိုက်သည် လီဗာပူးလ်အသင်းသို့ ရောက်ရှိလာပြီးနောက် သူ၏မြင့်မားသည့် ပြောင်းရွှေ့ကြေး ပေါင်(၇၅)သန်းနှင့် ထိုက်တန်သည့်ခြေစွမ်းကို ပြသနိုင်ခဲ့ပြီး ပြီးခဲ့သည့် ၂၀၁၈-၁၉ ရာသီ PFA အကောင်းဆုံး ဘောလုံးသမားဆုကိုလည်း ဆွတ်ခူးရရှိခဲ့သည်။ 

၎င်းအနေဖြင့် ယခုနှစ်ကုန်ပိုင်းတွင် ချီးမြှင့်မည့် ၂၀၁၉ Ballon d'Or ဆုကိုလည်း စီရော်နယ်လ်ဒိုနှင့် မက်ဆီတို့ကို ကျော်ဖြတ်ကာ ဆွတ်ခူးနိုင်လိမ့်မည်ဟု ဥရောပမီဒီယာများက တစ်ပေးလျက်ရှိကြသည်။