မန်ယူအသင်းတွင် ပယ်နယ်တီကန်မည့်သူ ရွေးချယ်ထားခြင်းနှင့်ပတ်သက်၍ ဆောက်သမ်တန် ဂန္ထဝင်လီတက်ဆီယာက မန်ယူအသင်းနည်းပြ ဆိုးလ်ရှားအား ဝေဖန်ပြောကြားခဲ့သည်။ 

ဆိုးလ်ရှား သည် မန်ယူအသင်းတွင် ပယ်နယ်တီကန်မည့်သူများ အဖြစ်တိုက်စစ်မှူး ရပ်ရှ်ဖို့ဒ်နှင့်ကွင်းလယ်လူပေါ့ဘာတို့ကို ရွေးချယ်ထားခြင်း ဖြစ်သည်။ 

ကစားသမားဘဝတွင် ပယ်နယ်တီ(၄၈)လုံးကန်ရာ၌ တစ်လုံးသာလွဲချော်ခဲ့သည့် လီတက်ဆီယာက "ဒါဟာ ပရော်ဖက်ရှင်နယ်မဆန်ဘဲ အပျော်တမ်းကျောင်းသားအဆင့်ကစားသမားတွေ အတွက်ဆုံးဖြတ်ချက်မျိုးပါ။ ဒီကိစ္စမျိုးမှာ နည်းပြဖြစ်သူကပြတ်သားရပါတယ်။ အကောင်းဆုံးတစ်ဦးကိုသာ ရွေးချယ်သင့်ပါတယ်။ ကျွန်တော်တို့တုန်းကဆိုရင် လေ့ကျင့်ရေးကွင်းမှာ အသင်းဖော်တွေအချင်းချင်း ယှဉ်ပြိုင်ခဲ့ရပါတယ်။ အဲဒီတုန်းက ကျွန်တော့်အသက်(၂၀)သာ ရှိသေးပေမယ့်အနိုင်ရပြီး အသင်းအတွက် ပယ်နယ်တီကန်ရတဲ့သူ ဖြစ်ခဲ့ပါတယ်"ဟု ပြောကြားခဲ့သည်။