ချယ်လ်ဆီးအသင်းနည်းပြဖြစ်သူ အန်တိုနီယိုကွန်တီက နယူးကာဆယ်အသင်းနှင့်ပွဲတွင် ကစားခဲ့သည့် ခြေစွမ်းအတိုင်းကစားခဲ့ပါက FA ဖလားဗိုလ်လုပွဲတွင်လည်း မိမိတို့ရှုံးပွဲ တွေ့လိမ့်မည်ဟု ဝန်ခံပြောကြားသွားခဲ့သည်။
ချယ်လ်ဆီးအသင်းသည် ချန် ပီယံလိဂ်ဝင်ခွင့် မျှော်လင့်ချက်အ တွက် လီဗာပူးလ်အသင်း၏ ရှုံးနိမ့်မှု နှင့် ၎င်းင်းတို့ကိုယ်တိုင် အနိုင်ကစားရန် လိုအပ်နေသော်လည်း နယူးကာဆယ် ကို (ဝ-၃)ဂိုးဖြင့် အရှက်တကွဲရှုံးနိမ့်ခဲ့ ခြင်းဖြစ်သည်။
ယင်းအတွက်ကြောင့် ကွန်တီက ''ဒီပွဲမှာကစားခဲ့တဲ့ စိတ် ဓာတ်အကြောင်း ပြောမယ်ဆိုရင် တောင် နယူးကာဆယ်အသင်းက ကျွန်တော်တို့အသင်းထက် ပိုမိုကောင်း မွန်တဲ့ခံယူချက်ရှိပါတယ်။ နယူးကာဆယ်ဟာ သူတို့အသင်းရဲ့ ရည်မှန်း ချက်၊ (၃)မှတ်ကို အရယူချင်တဲ့စိတ်နဲ့ ဒီရာသီမှာ တတ်နိုင်သလောက် အ ကောင်းဆုံးရလဒ်ကို ယူမယ်ဆိုတဲ့ စိတ်ဓာတ်ကို ပြသနိုင်ခဲ့ပါတယ်။ ကျွန် တော့်အသင်းက မဖြစ်မနေအပြောင်း အလဲလုပ်ရပါလိမ့်မယ်။ ဘာကြောင့် လဲဆိုတော့ FA ဖလား ဗိုလ်လုပွဲမှာ ဒီပွဲကပုံစံအတိုင်း ကစားမယ်ဆိုရင် ကျွန်တော်တို့အတွက် အခွင့်အရေး မရှိပါဘူး}} ဟု ပြောကြားခဲ့သည်။
ချယ်လ်ဆီးအသင်းသည် လာမည့် မေလ(၁၉)ရက်တွင် မန်ယူအသင်း နှင့် FA ဖလား ဗိုလ်လုပွဲကို ကစား သွားမည်ဖြစ်ပြီး ယင်းပွဲမှာ (၂)သင်း စလုံးအတွက် တစ်ခုတည်းသော ဆု ဖလားမျှော်လင့်ချက်ဖြစ်ကြောင်းလည်း သိရှိရသည်။
ကွန်တီသည် နယူးကာဆယ်အသင်းကို ရှုံးနိမ့်ခဲ့သည့်ပွဲ၌ အဝေး ကွင်းတွင် လိုက်လံအားပေးခဲ့သည့် ပရိသတ်များ၏ လှောင်ပြောင်မှုများ ကိုလည်း ခံခဲ့ရကြောင်း သိရှိရသည်။
