ပရီးမီးယားလိဂ်အဖွဲ့ချုပ်သည် FA ဖလားပြိုင်ပွဲကြောင့် အမှတ်ပေးပွဲကစားမည့် ပွဲစဉ်အချို့ကို ရက်အပြောင်းအလဲပြုလုပ်ခဲ့ ကြောင်း သိရသည်။
FA ဖလား ဆီမီးဖိုင်နယ်ပွဲစဉ်ကို ဧပြီ ၂၁၊ ၂၂ ရက်တွင် ကျင်းပမည်ဖြစ်သောကြောင့် ယင်းအဆင့်သို့ရောက်ရှိနေသည့် အသင်းများ၏ပွဲစဉ်ကို အဓိကပြောင်းလဲခဲ့ခြင်းဖြစ်သည်။
မူလက ဧပြီ ၂၀ ရက်တွင်ကစားမည့် ဘရိုက်တန်-စပါးပွဲကို ဧပြီ ၁၇ ရက်သို့လည်းကောင်း၊ ဧပြီ ၂၁ ရက်တွင်ကစားမည့် ဘုန်းမောက်- မန်ယူပွဲကို ဧပြီ ၁၈ ရက်သို့လည်းကောင်း၊ FA ဖလား ကွာတားဖိုင်နယ်ကြောင့် မတ် ၁၇ ရက်က ရွှေ့ဆိုင်းခဲ့သည့် ဘန်လေ-ချယ်လ်ဆီးပွဲကို ဧပြီ ၁၉ ရက်သို့လည်းကောင်း၊ ဧပြီ ၂၁ ရက်တွင်ကစားမည့် လက်စတာ-ဆောက်သမ်တန်ပွဲကို ဧပြီ ၁၉ ရက်သို့လည်းကောင်း၊ ဧပြီ ၂၃ ရက်တွင်ကစားမည့် အာဆင်နယ်- ဝက်စ်ဟမ်းပွဲကို ဧပြီ ၂၂ ရက်သို့လည်းကောင်း၊ ဧပြီ ၂၁ ရက်တွင်ကစားမည့် စတုတ်-ဘန်လေ ပွဲကို ဧပြီ ၂၂ ရက်သို့လည်းကောင်း၊ ဧပြီ ၂၁ ရက်တွင်ကစားမည့် အဲဗာတန်-နယူးကာ ဆယ်ပွဲကို ဧပြီ ၂၃ ရက်သို့လည်းကောင်း ပြောင်းလဲကျင်းပမည်ဖြစ်ကြောင်း သိရသည်။
