အေစီမီလန်အသင်းသည် နည်းပြဂတ်တူဆို၏ စွမ်းဆောင်ရည်ကို ကျေနပ်နေပြီး စာချုပ်သစ်ကမ်းလှမ်းသွားမည် ဖြစ်ကြောင်း သိရသည်။
ဂတ်တူဆိုသည် အေစီမီလန်အသင်းအား ၂၀၁၇ နိုဝင်ဘာလတွင် စတင်ကိုင်တွယ်ခဲ့ပြီး သူ၏ စာချုပ်မှာ ရာသီကုန်အထိသာရှိနေကြောင်း သိရသည်။
အေစီမီလန်အသင်း၏ အမှုဆောင်ချုပ် မာကိုဖက်ဆိုနီက ''ဂတ်တူဆိုရဲ့ စွမ်းဆောင်ရည်နဲ့ပတ်သက်ပြီး ကျေနပ်မိပါတယ်။ သူက မျှော်လင့်ထားတာထက်တောင် ပိုမိုစွမ်းဆောင်ပြနေပါတယ်။ သူနဲ့ စာချုပ်သစ်ဆွေးနွေးဖို့ အချိန်ကောင်းကို ရှာဖွေသွားပါမယ်''ဟု ဆိုခဲ့သည်။