<

First Eleven Sports Journal မှရွေးချယ်သည့် အကောင်းဆုံး ဘောလုံးသမားများ မဲပေးရန်

Vote Now

ရှစ်လေးလုံးစိတ်ဓာတ် အဓွန့်ရှည်ပါစေ

ယနေ့သည် ရှစ်လေးလုံး ဒီမိုကရေစီအရေးတော်ပုံကြီး ၂၉ နှစ်ပြည့်မြောက်သောနေ့ဖြစ်သည်။ အဆိုပါအရေးတော်ပုံကြီးတွင် ပါဝင်ခဲ့ကြသည့် အငယ်ဆုံးလူငယ်များသည်ပင်လျှင် အသက် ၅၀ ၀န်းကျင်ရှိကြပြီဖြစ်သည်။ သို့သော် ယခုအခါ ရှစ်လေးလုံးအရေးတော်ပုံကြီးနှင့် ပတ်သက်သော စာအုပ်စာတမ်းအချို့ ထွက်ရှိနိုင်ခဲ့ပြီဖြစ်သောကြောင့်လည်းကောင်း၊ ရှေ့မျိုးဆက်က နောက်မျိုးဆက်အား လက်ဆင့်ကမ်း ပြောကြားခဲ့ကြသောကြောင့်လည်းကောင်း ယနေ့ခေတ် လူငယ်အများအပြား အဆိုပါအရေးတော်ပုံကြီးအကြောင်းကို သိသင့်သလောက် သိရှိကြပြီး ဖြစ်ပေလိမ့်မည်။ သို့သော် ရှစ်လေးလုံးဒီမိုကရေစီ အရေးတော်ပုံကြီး၏ သမိုင်းကိုပြည့်စုံအောင် ရေးသားပြုစုထားခြင်းမရှိသေးပေ။ ၎င်းအပြင် ရှစ်လေးလုံး ဒီမိုကရေစီအရေးတော်ပုံကြီးအား အမျိုးမျိုးပုံဖျက်ပြောဆိုခဲ့ကြသောကြောင့် နှောင်းလူများ တလွဲမှတ်ထားခဲ့ကြသူများလည်းရှိနိုင်သည်။

အမှန်တကယ်၌ ရှစ်လေးလုံး ဒီမိုကရေစီအရေးတော်ပုံကြီးသည် တစ်နိုင်ငံလုံး လှည်းနေလှေအောင်း မြင်းဇောင်းမကျန် ပါဝင်ခဲ့သော အရေးတော်ပုံကြီးဖြစ်သည်။ ကမ္ဘာပေါ်တွင် တစ်နိုင်ငံလုံး တစ်ပြိုင်နက်ဆန္ဒပြခဲ့ကြသည့် ပထမဆုံးနှင့် အကြီးဆုံးအရေးတော်ပုံကြီးဟုပင် ဆိုနိုင်သည်။ မည်သူတစ်ဦးတစ်ယောက်တည်းကမျှ မည်သည့်အဖွဲ့အစည်း တစ်ခုတည်းကမျှ လှုံ့ဆော်ခဲ့သောကြောင့် အရေးတော်ပုံကြီး ဖြစ်ပွားခြင်းမဟုတ်ဘဲ နှစ်ပေါင်းများစွာ စစ်အာဏာရှင်စနစ်ကို ခါးသီးစွာ ကြိတ်မှိတ်ခံလာခဲ့ရသော ပြည်သူလူထုတစ်ရပ်လုံး နိုးကြားလာကာ တညီတညွတ်တည်း ဆန့်ကျင်တွန်းလှန်ခဲ့ကြခြင်းသာဖြစ်သည်။ မည်သူတစ်ဦးတစ်ယောက် သို့မဟုတ် မည်သည့်အဖွဲ့အစည်းတစ်ခုတည်း၏ ခေါင်းဆောင်မှုအောက်၌ ပေါ်ထွန်းလာခြင်းလည်း မဟုတ်ပါ။ အဆိုပါအရေးတော်ပုံကြီး ဖြစ်ပွားအောင် အမှန်တကယ် လှုံ့ဆော်ခဲ့သောအရာမှာ ကြိတ်မှိတ်ခါးစည်းခံခဲ့ရသော ပြည်သူလူထု၏ ဒုက္ခတရားများနှင့် အာဏာရှိသူတို့၏ မတရားဖိနှိပ်မှုများသာဖြစ်သည်။

ရှစ်လေးလုံး အရေးတော်ပုံကြီးသည် မြန်မာနိုင်ငံသမိုင်းတွင် အကြီးဆုံး၊ အင်အားအများဆုံး၊ အထိရောက်ဆုံး လူထုအရေးတော်ပုံကြီးဖြစ်သည်။ အာဏာရှင်စနစ်ကို ထိရောက်စွာ ထိုးနှက်နိုင်ခဲ့သောကြောင့် စစ်အာဏာရှင်များ ယာယီနောက်ဆုတ်ပေးခဲ့ရသော အရေးတော်ပုံလည်းဖြစ်သည်။ အဆိုပါအရေးတော်ပုံကြီးသည် ဒီမိုကရေစီလိုလားသော နိုင်ငံရေးသမားများ၊ ပါတီများနှင့် လက်နက်ကိုင်အဖွဲ့အစည်းများ မွေးထုတ်ပေးနိုင်ခဲ့သည်။ ပြည်ပနိုင်ငံပေါင်းများစွာတွင်လည်း စစ်အာဏာရှင်ကို ဆန့်ကျင်သည့် မြန်မာနိုင်ငံသား အစုအဖွဲ့များ၏ လှုပ်ရှားမှုများကို ဖြစ်စေခဲ့သည်။ စစ်အာဏာရှင်တို့၏ ဖိနှိပ်မှုနှင့် မြန်မာနိုင်ငံသားတို့၏ ဒုက္ခတရားကို ကမ္ဘာ့နေရာအနှံ့အပြားမှ သိရှိသွားကြသည်မှာလည်း အဆိုပါအရေးတော်ပုံကြီးကြောင့်ဖြစ်သည်။ သို့သော် ပြည်တွင်းနှင့်ပြည်ပရှိ နိုင်ငံရေးလှုပ်ရှားမှုအဖွဲ့များနှင့် လက်နက်ကိုင် နိုင်ငံရေးလှုပ်ရှားမှုအဖွဲ့များ ဟန်ချက်ညီညီ စုစည်းညီညွတ်စွာ လုပ်ဆောင်နိုင်ခဲ့ခြင်းမရှိသောကြောင့် ယခုတိုင်မအောင်မြင်ရခြင်းဖြစ်သည်။ သို့သော် အဆိုပါအရေးတော်ပုံကြီးကြောင့်ပင် ယခုကဲ့သို့ အရပ်သားအစိုးရဟု ခေါ်ဆိုနိုင်သော အစိုးရတစ်ရပ်ကား ပေါ်ထွန်းလာခဲ့သည်။

အာဏာရှင်တို့၏ ဖိနှိပ်မှုများနှင့် မတရားမှုများကို ခေါင်းငုံ့မခံဘဲ စုစည်းညီညွတ်စွာဖြင့် တွန်းလှန်ရဲသော စိတ်ဓာတ်သည် ရှစ်လေးလုံး စိတ်ဓာတ်ဖြစ်သည်။ ယင်းကဲ့သို့သော ရှစ်လေးလုံးစိတ်ဓာတ်ကို မျိုးဆက်အဆက်ဆက် ထိန်းသိမ်းကာ လက်ဆင့်ကမ်းပေးခြင်းဖြင့် ရှစ်လေးလုံးစိတ်ဓာတ် အဓွန့်ရှည်ပါစေဟု The Daily Eleven သတင်းစာက ဆန္ဒပြုအပ်ပါသည်။

သြဂုတ်လ (၈) ရက်နေ့ထုတ် The Daily Eleven သတင်းစာ အယ်ဒီတာ့အာဘော်