‎ဗြိတိန် ဝန်ကြီးချုပ် ကီယာ စတာမာသည် ဇွန် ၂၂ ရက်တွင် ရာထူးမှနုတ်ထွက်ဖွယ်ရှိပြီး ၎င်း၏ရာထူးမှ ထွက်ခွာမည့် အချိန်ဇယားကို ချပြသွားမည်ဖြစ်ကြောင်း The Observer သတင်းစာက ဖော်ပြခဲ့သည်။

‎‎သို့သော် အစိုးရ၏ သတင်းရင်းမြစ်တစ်ခုကမူ စတာမာအနေဖြင့် အုပ်ချုပ်ရေးလုပ်ငန်းများကို ဆက်လက်လုပ်ဆောင်ရန်သာ အာရုံစိုက်ထားဆဲဖြစ်ကြောင်း ပြောကြားခဲ့သည်။

‎‎​စတာမာ၏ ရာထူးနေရာအတွက် ခြိမ်းခြောက်မှုသည် ဇွန်၂၀ ရက်တွင် သိသိသာသာ ပိုမိုမြင့်တက်လာခဲ့သည်။

‎အဘယ်‌‌ကြောင့်ဆိုသော် ၎င်း၏ပြိုင်ဘက်ဖြစ်သူ အင်ဒီဘန်ဟမ်က ပါလီမန်အမတ်နေရာတစ်ခုကို အနိုင်ရရှိခဲ့ခြင်းကြောင့်ဖြစ်ပြီး ယင်းသည် ၎င်းအား ပါတီခေါင်းဆောင်မှု နေရာအတွက် တရားဝင် စိန်ခေါ်မှုတစ်ရပ် ရရှိစေမည် ဖြစ်သည်။

‎‎The Observer သတင်းစာ၏ ဖော်ပြချက်အရ စတာမာသည် နောက်ဆုံးဆုံးဖြတ်ချက်မချမှတ်မီ ဇနီးဖြစ်သူနှင့် ယင်းကိစ္စကို ဆွေးနွေးတိုင်ပင်နေကြောင်း သိရသည်။

‎‎သို့သော် လေဘာပါတီ၏ အဆင့်မြင့်ခေါင်းဆောင်များကမူ ဇွန် ၂၂ ရက်အစောပိုင်းမှာပင် စတာမာ၏ အနာဂတ်နှင့်ပတ်သက်ပြီး ရှင်းလင်းပြတ်သားသည့် ထုတ်ပြန်ချက်တစ်ရပ် ထွက်ပေါ်လာလိမ့်မည်ဟု မျှော်လင့်နေကြသည်။

‎‎Ref: Reuters