ကလော့ပ်ခေတ်လွန် လီဗာပူးလ် ဘယ်လို ဖြစ်မလဲဆိုပြီး လီဗာပူးလ်ပရိသတ်တွေ စိတ်ပူခဲ့ကြတယ်။ ဒါပေမဲ့ ကလော့ပ်နေရာကို ဆက်ခံတဲ့ ဆလော့က လီဗာပူးလ်ပရိသတ်တွေရဲ့ စိုးရိမ်ပူပန်မှုတွေကို ရာသီအစမှာပဲ ပျောက်စေခဲ့ပါပြီ။ ပြိုင်ပွဲစုံ (၁၆)ပွဲမှာ (၁၄)ပွဲထိ အနိုင်ရအောင် စွမ်းဆောင် ပြထားတယ်။ ဒါက ပရီးမီးယားလိဂ်ကို စရောက်လာတဲ့ နည်းပြတွေထဲမှာ အကောင်းဆုံးမှတ်တမ်းလည်း ဖြစ်တယ်။ ဒါကြောင့် လီဗာပူးလ်ပရိသတ်တွေအနေနဲ့ နည်းပြ ဆလော့အပေါ် ယုံကြည်နေကြပြီး ကလော့ပ်ခေတ်လွန်မှာလည်း လီဗာပူးလ်အသင်းက ချန်ပီယံဆုတွေကို ဆက်လက်စိန်ခေါ် နိုင်ဦးမယ်လို့ ယုံကြည်နေကြတယ်။ ဒါပေမဲ့ လီဗာပူးလ်မှာ စိတ်မချမ်းသာစရာအကြောင်းတွေက ရှိနေတယ်။ ကလော့ပ်လက်ထက် အသင်းရဲ့အောင် မြင်မှုတွေမှာ အဓိကဒေါက်တိုင်ဖြစ်သလို၊ အခု ဆလော့လက်ထက်မှာလည်း အဓိကကစားသမား တွေအဖြစ် ခြေစွမ်းပြနေတဲ့ ဆာလာ၊ အာနိုးလ်နဲ့ ဗန်ဒိုက်တို့ရဲ့ အခြေအနေက လီဗာပူးလ်ပရိသတ်တွေအတွက် စိုးရိမ်စရာ ဖြစ်နေတယ်။