အက်သလက်တီကိုအသင်း၏ ဥက္ကဋ္ဌဖြစ်သူ စီရီဇိုက ၎င်းတို့အနေဖြင့် အမေရိကန်တွင် ပွဲကစားရန် အသင့်ရှိကြောင်း ပြောကြားခဲ့သည်။

လာလီဂါအဖွဲ့ချုပ်ဥက္ကဋ္ဌ တီဘက်စ်သည် လာလီဂါပွဲစဉ်အချို့ကို အမေရိကန်နိုင်ငံတွင် ကစားရန် စီစဉ်နေပြီး ယင်းအစီအစဉ်မှာ အကောင်အထည်ပေါ်လာဖွယ်ရှိကြောင်း သိရသည်။

လာလီဂါအဖွဲ့ချုပ်သည် ဒီဇင်ဘာ (၂၂)ရက်တွင် ကစားမည့် လာလီဂါပွဲစဉ်တစ်ပွဲဖြစ်သည့် ဘာစီလိုနာ-အက်သလက်တီကိုပွဲကို အမေရိကန်နိုင်ငံတွင် ကစားရန် သဘောတူညီမှုရထားကြောင်း သတင်းထွက်ပေါ်နေသည်။

ယခုအခါ အက်သလက်တီကိုဥက္ကဋ္ဌ စီရီဇိုက အမေရိကန်တွင် ပွဲကစားရန်အသင့်ရှိကြောင်း ပြောကြားခဲ့ခြင်းဖြစ်သည်။

စီရီဇိုက ''တာဝန်ရှိသူတွေက စည်းမျဉ်းတွေ ချမှတ်ပြီး လုပ်ဆောင်ကြပါလိမ့်မယ်။ တကယ်လို့ စပိန်ဘောလုံးလောကအတွက် ကောင်းမယ်ဆိုရင် ကျွန်တော်တို့အနေနဲ့ ပူးပေါင်းဆောင်ရွက်ဖို့အသင့်ပါပဲ''ဟု ဆိုခဲ့သည်။