မန်စီးတီးအသင်းသည် ဘရာဇီးလ်တိုက်စစ်ကစားသမား ရိုဒရီဂိုအတွက် ရီးယဲလ်အသင်းထံ ယူရိုသန်း(၁၅၀)ဖြင့် ကမ်းလှမ်းခဲ့ကြောင်း စပိန်မီဒီယာ Fichajes က ဖော်ပြခဲ့သည်။ 

ရိုဒရီဂို သည် ပရီးမီးယားလိဂ်ထိပ်သီးအသင်းများဖြစ်သည့် လီဗာပူးလ်နှင့် အာဆင်နယ်တို့လည်း စိတ်ဝင်စားနေသည့် ကစားသမားဖြစ်ပြီး မန်စီးတီးနည်းပြ ဂွါဒီယိုလာ၏ အလိုအရှိဆုံးကစားသမားတစ်ဦးဖြစ်ကြောင်း သိရသည်။ 

ဂွါဒီယိုလာသည် နော်ဝေတိုက်စစ်မှူး ဟာလန်းကို မန်စီးတီးအသင်းတွင် ရေရှည်ထိန်းသိမ်းနိုင်ရန် မလွယ်ကူသည့်အတွက် ရိုဒရီဂိုအား ခေါ်ယူရန် ဆန္ဒရှိနေခြင်းဖြစ်ကြောင်း သိရသည်။ 

အသက် ၂၃ နှစ် အရွယ်ရှိ ရိုဒရီဂို သည် ရီးယဲလ်အသင်းအတွက် ယခုရာသီတွင် ပြိုင်ပွဲစုံ ၁၄ ပွဲ ကစားထားကာ ၃ ဂိုးသွင်းယူပေးထားသည်။

မန်စီးတီးအသင်း၏ နော်ဝေတိုက်စစ်မှူး ဟာလန်းကို ရီးယဲလ် အသင်းက ယူရိုသန်း(၂၀၀)ဖြင့် ကမ်းလှမ်းဖွယ်ရှိကြောင်းလည်း သတင်းထွက်များထွက်ပေါ်နေသည်။