တိုက်စစ်ပိုင်းလိုအပ်ချက်ရှိနေသည့် အာဆင်နယ်အသင်းသည် ဂျူဗင်တပ်စ်အသင်းတိုက်စစ်မှူး ဗလာဟိုဗစ်အား လာမည့်ဇန်နဝါရီ အပြောင်းအရွှေ့ကာလတွင် ခေါ်ယူရန် စောင့်ကြည့်နေကြောင်း သိရှိရသည်။
ဆားဘီးယားတိုက်စစ် မှူး ဗလာဟိုဗစ်(၂၂ နှစ်)သည် ယခုရာသီတွင် ခြေစွမ်းပြနေသော်လည်း နည်းပြ မော့တာ၏နည်းစနစ်နှင့် အံမဝင်ဟု သုံးသပ်ခံနေရသူဖြစ်သည်။
အာဆင်နယ်အသင်းသည် ဗလာဟိုဗစ်အား ခေါ်ယူရန် ကာလရှည်စိတ်ဝင်စားနေခြင်းဖြစ်ပြီး ယခုအခါ ကစားသမား၏အခြေအနေကို စောင့်ကြည့်နေကြောင်း သိရသည်။
ဗလာဟိုဗစ်သည် ဂျူဗင်တပ်စ်နှင့် စာချုပ်သက်တမ်း (၁၈) လကျန်ရှိတော့ပြီး အာဆင်နယ်က ယူရိုသန်း (၆၀) ဖြင့် ခေါ်ယူရန်စိတ်ဝင်စားနေခြင်းဖြစ်သည်။
အာဆင်နယ်အသင်းသည် ဘုန်းမောက်အသင်းကို ၂-၀၊ နယူးကာဆယ်အသင်းကို ၁-၀ ဂိုးတို့ဖြင့် ပရီးမီးယားလိဂ် ၂ ပွဲဆက် ရှုံးနိမ့်ထားပြီး စနေပွဲစဉ်များအပြီးတွင် ရမှတ် ၁၈ မှတ်ဖြင့် စတုတ္တနေရာ ရပ်တည်နေကာ ဇယားထိပ်ဆုံးမှ လီဗာပူးလ်အသင်းနှင့် ၇ မှတ်ကွာဟနေသည်။
