ဘာစီလိုနာအသင်းသည် အသင်းတောင်ပံကစားသမား ရာဖင်ညာအား ယူရိုသန်း (၁၀၀) ရပါက ရောင်းထုတ်မည်ဖြစ်ကြောင်း စပိန်မီဒီယာများက ဖော်ပြနေသည်။

ဘာစီလိုနာအသင်းသည် ဘရာဇီးလ်တောင်ပံကစားသမား ရာဖင်ညာ(၂၇ နှစ်)အား ၂၀၂၂ နွေရာသီတွင် လိဒ်စ်အသင်းထံမှ ယူရို (၅၈)သန်းဖြင့် ခေါ်ယူခဲ့သည်။

ရာဖင်ညာသည် ပြီးခဲ့သည့်အပြောင်းအရွှေ့ကာလများကလည်း ဘာစီလိုနာအသင်း ရောင်းထုတ်မည့်ကစားသမားစာရင်းတွင် အမြဲတမ်းလိုလို ပါဝင်ခဲ့သူ ဖြစ်သည်။

ရာဖင်ညာသည် ယခုရာသီ လာလီဂါ (၁၀) ပွဲတွင် (၅)ဂိုးသွင်းကာ ဂိုးဖန်တီးမှု (၇) ကြိမ်အထိ ပြုလုပ်ထားသော်လည်း ဘာစီလိုနာအသင်းက ၎င်းကို ထိုက်တန်သည့် ပြောင်းရွှေ့ကြေးရပါက ရောင်းထုတ်လိုနေခြင်းဖြစ်သည်။

ဘာစီလိုနာအသင်းသည် လာမည့် ၂၀၂၅ နွေရာသီတွင် မန်စီးတီးတိုက်စစ်မှူး ဟာလန်းကို ခေါ်ယူရန်စိတ်ဝင်စားနေရာ အသင်းရှိကစားသမားအချို့ကို ရောင်းထုတ်ဖွယ်ရှိပြီး ရာဖင်ညာအတွက် ယူရိုသန်း (၁၀၀)ဖြင့်ကမ်းလှမ်းပါက လက်ခံဖွယ်ရှိကြောင်းသိရသည်။