အာဆင်နယ်ကွင်းလယ်ကစားသမား မယ်ရီနိုက ပရီးမီးယားလိဂ်နှင့် လာလီဂါတို့အကြား ကွာခြားချက်ကို ပြောကြားခဲ့သည်။ 

ဆိုစီဒက်အသင်းတွင် (၆) ရာသီကြာ ကစားခဲ့သူ စပိန်ကွင်းလယ်ကစားသမား မယ်ရီနို(၂၈ နှစ်)သည် ပြီးခဲ့သည့်နွေကမှ အာဆင်နယ်အသင်းထံသို့ Add-ons ကြေးအပါအဝင် ပေါင် (၄၂.၃)သန်းဖြင့် ပြောင်းရွှေ့လာခဲ့သူဖြစ်သည်။ 

၎င်းသည် အာဆင်နယ်အသင်းတွင် ဒဏ်ရာကြောင့် အနားယူခဲ့ရပြီး ပရီးမီးယားလိဂ်(၁) ပွဲသာ ကစားရသေးသည်။ 

မယ်ရီနိုက "ပရီးမီးယားလိဂ်က ကစားခွင့်ရတာ မကြာသေးလို့ သိပ်မသိသေးပါဘူး။ ဒါပေမဲ့ ပရီးမီးယားလိဂ်က ခန္ဓာကိုယ်ကြံ့ခိုင်မှုကို ဦးစားပေးပြီး လာလီဂါကတော့ နည်းစနစ်ကို အားပေးပါတယ်။ လိဂ်နှစ်လိဂ်လုံးက ထိပ်တန်းလိဂ်တွေပါပဲ"ဟု ပြောကြားခဲ့သည်။