မန္တလေးမြို့ ၊ချမ်းမြသာစည်မြို့နယ်တွင် ချောင်ချောင်ရွှေဆိုင်ပိုင်ရှင်နေအိမ် ဓားပြတိုက်ခံရမှု ယနေ့(စက်တင်ဘာ ၁၀ ရက်) နံနက် ၈နာရီခန့်က ဖြစ်ပွားခဲ့ကြောင်း သတင်းရရှိသည်။
ချမ်းအေးသာစံမြို့နယ် လမ်း၃၀ မင်္ဂလာစျေးအနီးဖွင့်ထားလှစ်ထားသည့် ချောင်ချောင်ရွှေဆိုင် ပိုင်ရှင်သည် ချမ်းမြသာစည်မြို့နယ် ၊ ၁၀၁ ဘီလမ်းနှင့် ၇၁ လမ်းရှိ နေအိမ်တွင် ရွှေဆိုင်သို့ သွားရောက်ရန် ပြင်ဆင်နေစဉ် ရွှေများထည့်ထားသည့် ခြင်းများအား သေနတ်ကိုင်ထားပြီး မျက်နှာဖုံးများအုပ်ထားသည့် လူခြောက်ဦးခန့်က နေအိမ်ရှေ့တွင် ဓားပြတိုက်ယူသွားခဲ့ခြင်း ဖြစ်ကြောင်း သိရသည်။
" ရွှေထည်တွေကတော့ တော်တော်များတယ် ။ ဆိုင်ဖွင့်မယ့် ရွှေထည်တွေထည့်ထားတဲ့ ခြင်းတွေအကုန်ယူသွားတာ"ဟု တာဝန်ရှိသူတစ်ဦးက ဆိုသည်။
ရွှေများကိုယူပြီးနောက် ကားဖြင့်ပြန်လည်ထွက်ပြေးသွားခဲ့ကြောင်း သိရသည်။
မန္တလေးမြို့တွင် ရွှေဆိုင်များ နှင့် ဘဏ်အချို့တွင် မကြာခဏ ဓားပြတိုက်ခံရမှု ယခုနှစ် မေ လအတွင်းက မန်းမြို့စျေးအတွင်းရှိ ဆယ်သန်းရွှေဆိုင်တွင် လည်းကောင်း၊ ဇန်နဝါရီလ အတွင်းက မန်းမြို့စျေးအပြင်တန်းရှိ ဆယ်သန်းရွှေဆိုင်တွင် လည်း နှစ်ကြိမ်ဓားပြတိုက်ခံရမှု ဖြစ်ပွားခဲ့သည်။
