ပြင်ဦးလွင်မြို့ရှိ  နာမည်ကြီး ကိုယ်ပိုင်ကျောင်းအချို့တွင် လတ်တလောအခြေအနေများအရ အဆောင်နေကျောင်းသူကျောင်းသားများကို နေရပ်ပြန်ခွင့်ပြုကာ ကျောင်းနှစ်ပတ်ခန့် ပိတ်ပေးထားကြောင်း စုံစမ်းသိရှိရသည်။

ပြင်ဦးလွင်မြို့တွင် ယခုရက်ပိုင်းအတွင်း ပျံ့နှံထွက်ပေါ်နေသည့် သတင်းများအရ သြဂုတ်လ ၈ ရက်တွင် ပြင်ဦးလွင်မှ မန္တလေး ဘက်သို့ တိမ်းရှောင်ထွက်ခွာကြသည့် ယာဉ်စီးရေ ရာနှင့်ချီရှိခဲ့ပြီး အဆင်းလမ်း ၁၆ မိုင် စစ်ဆေးရေးဂိတ်ဝန်းကျင်တွင် ယာဉ်ကြော ပိတ်ဆို့သည်အထိ ဖြစ်ပေါ်ခဲ့သည်။

ယင်းသို့ အခြေအနေများအရ မြို့ပေါ်ရှိ နာမည်ကြီး ကိုယ်ပိုင်ကျောင်းအချို့မှာလည်း ကျောင်းနှစ်ပတ်ခန့် ပိတ်ကာ အဆောင်နေ ကျောင်းသားကျောင်းသူများကို မိဘထံ ပြန် ခွင့်ပြုခဲ့ကြောင်း သိရှိရသည် ။

“အခြေအနေက ဘာမှန်းမသိတော့ မိဘတွေကလည်း စိုးရိမ်ကြတာပေါ့ ။ ကျောင်း ကို နှစ်ပတ် ပိတ်ပေးလိုက်တယ်ဆိုတာ က လည်း မိဘတွေက လာခေါ်ကြတော့ ပိတ်ပေး လိုက်တာ ။ ။ ဒီမှာက လှုပ်လှုပ်လှုပ်လှုပ်နဲ့ ဆို တော့ အခြေအနေက စောင့်ကြည့်ရဦးမှာ”  ဟု ပြင်ဦးလွင်မြို့ရှိ နာမည်ကြီး ကိုယ်ပိုင် ကျောင်းတစ်ခုနှင့် နီးစပ်သူတစ်ဦးက ပြော ကြားခဲ့သည်။

“တချို့ ကိုယ်ပိုင်ကျောင်းကြီးတွေ ပိတ် ပေးတာ ကြားတယ် ။ ဘယ်ကျောင်းတွေလဲ ဆိုတာတော့ အတိအကျ မပြောတတ်ဘူး ။အခု ပိတ်ပေးတာက ဘော်ဒါဆောင် ထားတဲ့ ကိုယ်ပိုင် ကျောင်းတွေပေါ့ ။တချို့ ကိုယ်ပိုင် ကျောင်း တွေကတော့ ပိတ်တဲ့အသံ မကြားမိ ဘူး ။ နာမည်ကြီး ဘော်ဒါတစ်ခုကတော့  လာ ခေါ်ကြတဲ့ မိဘတွေ ဆန္ဒအရ ကျောင်းကို နှစ်ပတ် ပိတ်ပေးလိုက်တယ်တဲ့ ။ တစ်ပတ် ပိတ်တာလို့လည်း ကြားတယ်  ” ဟု မြို့ခံတစ်ဦး က ပြောကြားသည် ။

“ကနေ့ ကလေးကို ကျောင်းလိုက်ပို့တော့ ကျောင်းလာတဲ့ ကျောင်းသားက မရှိသ လောက်ပဲ ။ အခြေအနေတွေက ဘာမှန်းမသိ တာနဲ့ ကလေးကို ပြန်ခေါ်လာရတယ် ” ဟု မြို့ခံ ကျောင်းသားမိဘတစ်ဦးက ပြောကြား သည် ။

“မနေ့ကတည်းက ကလေးနှစ်ယောက် လုံးကို ကျောင်းမပို့တော့တာ ။ ကျောင်းက တော့ မပိတ်သေးပါဘူး ။ ဒါပေမယ့် မိဘတွေ က ကလေးတွေကို ကျောင်းမပို့ကြတော့ဘူး” ဟု မိဘတစ်ဦးက ဆိုပါသည်။

“ကျောင်းကတော့ မပိတ်ဘူး။ ရှိတဲ့ ကျောင်းသားတွေကို သင်ပေးနေတယ်။ ပြန်ချင် တဲ့ သူကို ပြန်ခွင့်ပေးတဲ့ သဘောပေါ့” ဟု ပြင်ဦးလွင်မြို့ရှိ နာမည်ကြီး ကိုယ်ပိုင်          ကျောင်းတစ်ခုနှင့်နီးစပ်သူတစ်ဦးက ဆက် လက် ပြောကြားသည် ။

ပြင်ဦးလွင်မြို့နှင့်ပတ်သက်သည့် ကော လာဟလသတင်းများအပေါ် မြို့ခံများအနေ ဖြင့် စိုးရိမ်ပူပန်မှုများရှိသော်လည်း လက်ရှိ မြို့ပေါ်အခြေအနေမှာ ည ၈ နာရီခန့်အထိ အသွားအလာမပျက် ရှိနေဆဲဖြစ်ကြောင်း မြို့ခံများက ဆိုပါသည်။

---------