အာဆင်နယ်ရဲ့သွင်းဂိုးမုန်တိုင်းကို ထပ်ပြီးခံစားခဲ့ရတယ်။ ပွဲချိန်မိနစ်သုံးဆယ်ကျော်ခါစမှာပဲ အာဆင်နယ်က ရှက်ဖီးယူနိုက်တက်ကို ငါးဂိုးသွင်းပြီး ဦးချိုးလိုက်တာပါပဲ။ ချန်ပီယံဆုအတွက် ၂၀၂၄ ခုနှစ်အတွင်း အာဆင်နယ်ချီတက်လာပုံဟာ သိပ်ပြီးမာန်ပါတယ်။ ဟာလန်းလိုအဆုံးသတ်သမားမရှိလို့ ချန်ပီယံဆုမရနိုင်ဘူးဆိုတဲ့ သံသယတွေကို အာဆင်နယ်က ၇ ပွဲဆက် ဂိုးပြတ်သွင်းပြီး ချေဖျက်ပြလိုက်တယ်။ အဲဒီ ၇ ပွဲမှာ အာဆင်နယ်ရဲ့ သွင်းဂိုးအရေအတွက်က ၃၁ ဂိုးအထိ ရှိနေပြီ။ အာဆင်နယ်တိုက်စစ်ဟာ ရပ်တန့်မရခဲ့ဘူး။